Show all data

• Metadata

  Text

  • [R]egnante inperpetuum Deo et Domino nostro Iesu Christo . Ego Athelhardus, larga omnipotentis Dei gratia annuente Dorobernensis ecclesie metropolitanus, cum prestantissimo rege nostro Cenulfo conuocans uniuersos prouinciales episcopos nostros, duces et abbates et cuiuscumque <dignitatis> uiros ad sinodale concilium in locum qui nominatur Clouesho. Ibi, sollicito ab eis scrutinio, quesiuimus qualiter apud eos fides catholica haberetur et quomodo christiana religio excerceretur. Hiis ita exquisitis, una omnium uoce ita responsum est: ‘Notum \sit/ paternitati tue quia, sicut primitus a sancta Romana et apostolica sede beatissimo papa Gregorio dirigente exarata est, ita credimus, et quod credimus, absque ambiguitate quantum possumus excercere satagimus’. Postquam autem super hiis uberius tractatum est, ita exorsi sumus: ‘Necessarium est, fratres karissimi, ecclesias Dei et uenerabiles uiros qui iam multo tempore terrarum dispendio et absumcione cirographorum miserabiliter laborauerant, corrigere’. Hiis dictis, prolate sunt inscripciones monasterii quod uocatur <Cocham> in medium terrarumque sibi adiacencium. Quod uidelicet monasterium, cum omnibus ad illud pertinentibus terris, rex inclitus Merciorum Athelbaldus ecclesie saluatoris que sita est in ciuitate Dorobernia dedit, utque illius donacio perseuerancior fieret, ex eadem terra cespitem et cunctos libellos prememorati cenobii per uenerabilem uirum Cuthbertum archiepiscopum misit, et super altare saluatoris pro perpetua sua salute poni precepit. Sed post mortem prefati pontificis, easdem inscripciones Dæiheah et Osbertus, quos idem pontifex alumnos nutriuit, maligno acti spiritu furati sunt, et Cenulfo regi Occidentalium Saxonum detulerunt. At ille, accipiens statim testimonia litterarum, predictum cenobium cum omnibus ad illud rite pertinentibus suis usibus coaptauit, neglectis prenominati archiepiscopi Cuthberti dictis et factis. Item Breguuinus et Ianbertus archiepiscopi per singulas sinodos suas questi sunt de iniuria ecclesie saluatoris illata, et apud Cenulfum regem <Occidentalium> Saxonum, et apud Offa regem Merciorum qui uidelicet sepe memoratum cenobium, <Cocham>, et alias urbes quamplurimas, Cenulfo rege abstulit et imperio Merciorum subegit. Tandem Cenulfus rex, sera ductus penitentia, telligraphia, id est libellos, quos a supradictis hominibus, Dæiheh et Osberto, iniuste perceperat, cum magna <pecunia> ecclesie Christi in Doroberniam remisit, humilime rogans ne sub tante auctoritatis anathemate periclitaretur. Uerum rex Offa prememoratum cenobium <Cocham> sicut sine litteris accepit, ita quanto tempore uixit detinuit, et absque litterarum testimonio suis post se heredibus <reliquit>. Secundo autem anno regni Cenulfi facta est <sinodus> sicut supra est prelibatum apud Clouesho. At ego Athelhardus, gratia Dei Dorobernensis archiepiscopus et Cuba primicerius mecum et multi alii ex illa ecclesia Christi sapientes libellos prefati cenobii <Cocham> in concilium detulimus, cumque coram <sinodo> relicti fuissent omnium uoce decretum est iustum esse, ut metropolis ecclesia sepe prefatum cenobium Cocham cuius inscripciones in suo gremio habebat, perciperet quo sub tanto tempore tam iniuste spoliata fuerat. Tunc autem placuit mihi Athelhardo, Dei gratia archisacerdoti, et Cynedrythe abbatisse que eodem tempore sepedicto cenobio prefuit, a senioribus ex utralibet parte Cantia, scilicet et a Bedeforde ad hoc ibidem congregatis, quatinus ipsa Cynedrytha in regione Cantia daret michi pro commutacione sepe prefati cenobii terram centum et decem <manentium>: sexaginta cassatorum uidelicet in loco qui dicitur Fleote, et triginta in loco qui dicitur Teneham, in tercio quoque loco ubi dicitur Cræges æuuelma uiginti. Quas scilicet terras olim rex Offa sibi uiuenti conscribere fecit suisque heredibus post eum, et post eorum cursum uite ecclesie que sita est apud Beodeford consignari precepit. Hoc etiam coram omni <sinodo> elegimus ut ipsa abbatissa a me perciperet sepe nominatum cenobium cum suis inscripcionibus, et ego terras et libellos terrarum illarum quas michi in Cancia <reddidit> ab ea acciperem, quatinus nulla inposterum inter nos heredesque nostros et Offe regis <surgeret> contrauersia. Sed quod sub tam nobili <sinodis> testimonio inter nos confirmatum est indirupto federe seruetur inperpetuum. Ego quoque Athelhardus archiepiscopus concedo Cynedrithe abbatisse monasterium quod <situm> est in loco qui dicitur Pectanege ad habendum, quod michi rex pius Egfridus <hereditario> iure possidendum donauit atque conscripsit.
• Metadata

  Old Text

  • + Regnante inperpetuum Deo et domino nostro Jhesu Christo Ego Athelhardus larga omnipotentis Dei gratia annuente Dorobernensis ecclesiæ metropolitanus cum prestantissimo rege nostro Cenulfo . convocans universos provinciales episcopos nostros . duce