Show all data

• Metadata

  Text

  • Dedit etiam predictus \rex/ Æthelstanus Wulfnoþo ministro suo Bultheswurþe .vi. cassatorum, cum pratis, pascuis, siluis, riuulis et omnibus ad eam utilitatibus rite pertinentibus omni eodem modo quo supra. Predicta siquidem tellus his terminis circumcincta clarescit. Ærest on þone ealdan triow stede, þon’ on rugan slæd, andlang slædes oð þæs furlanges ænde, þon’ on rugan biorg midde wiardne, þæt of rugan biorge on hafoces pyt, ondland riðe þæt on þone pæþe þe lið ðwyres. Si autem quod non optamus aliquis diabolico inflatus spiritu hanc mee compositionis ac confirmationis breuiculam infringere uel elidere temptauerit, sciat se nouissima ac magna examinationis die, stridula clangente archangeli bucina, bustis sponte dehiscentibus somata diu fessa relinquentibus, omnibus pauefactis creaturis, cum Iuda proditore qui a satoris pio sato filius perdicionis dicitur eterna confusione edacibus innumerabilium tormentorum flammis periturum. Huius namque a Deo Dominoque Iesu Christo inspirate atque inuente uoluntatis scedula anno dominice incarnationis .dcccc.xxxi., regni uero gratis mihi commissi septimo, indictione .iiii., epacta nulla, concurrentes .v., idus .vii., luna .xxviii., in uilla regali que æt Welowe nuncupatur, episcopis, abbatibus, ducibus, patrie procuratoribus, regia dapsilitate ouantibus, perscripta est, cuius etiam inconcusse firmitatis auctoritas his testibus roborata constat, quorum nomina subtus caracteribus depicta annotantur. Ego Æthelstanus singularis priuilegii monarchia preditus rex huius singraphe fulcimentum cum signo sancte semperque amande crucis corroboraui et subscripsi. + Ego Wulfhelmus Dorobernensis ecclesie archiepiscopus consensi et subscripsi. + Ego Wulfstanus Eboracensis ecclesie archiepiscopus consensi et subscripsi. + Ego Ælwine episcopus consensi et subscripsi. + Ego Byrnstan episcopus consensi et subscripsi. + Ego Sighelm episcopus consensi et subscripsi. + Ego Cenwald episcopus consensi et subscripsi. + Ego Ælfheah episcopus consensi et subscripsi. + Ego Eadulf episcopus consensi et subscripsi. + Ego Oda episcopus consensi et subscripsi. + Ego Ælfric abbas consensi et subscripsi. + Ego Eadwine abbas consensi et subscripsi. + Ego Byrhsige abbas consensi et subscripsi. + Ego Offerð dux consensi et subscripsi. + Ego Ælfwold dux consensi et subscripsi. + Ego Aldred dux consensi et subscripsi. + Ego Æscbryht dux consensi et subscripsi. + Ego Ælfstan dux consensi et subscripsi. + Ego Odda minister consensi et subscripsi. + Ego Ælfheah minister consensi et subscripsi. + Ego Æþelstan minister consensi et subscripsi. + Ego Ælfric minister consensi et subscripsi. + Ego Eadric minister consensi et subscripsi.