Show all data

• Metadata

  Old Text

  • Endorsement: Confirmacio privilegiorum sancti Petri Gloucestriæ . cap . xiiii de . la . te Pxs In nomine Domini nostri Jhesu Christi . Ego Burgredus Deo omnipotentissimo concedente et auxiliante rex Merciorum , volens et cogitans pro majore remedio anime mee et de honore Dei omnipotentis in secula ampliare donaciones et libertates quas ego et predecessores mei reges loco cenobiali æcclesie sancti Petri æt Gleaweceasdre concesserunt . ne quando religiosæ viventes in dicto loco per ministros seculares quoscunque pro negocio terreno infra dictum locum ceonobialem impediantur a devocione quam debent altissimo famulari Deo vel molestentur concedo et volo ego rex Merciorum quod monasterium sancti Petri æt Gleaweceasdre et religiose viventes in eodem monasterio eadem libertate et eisdem legibus et consuetudinibus quas ego et predecessores mei reges concesserunt et donaverunt libere et in pace gaudeant et utantur et ut sub ipsa mea proteccione speciali magis qui[e]tæ Deo serviant idem monasterium liberum facio et quietum ac omnia monasteriola loca que eidem obedient et pertinent ab omni terreno negocio et servicio ne liceat in antea in eternum aliquibus ministris secularibus aut alicui hominum nisi ipsius loci cenobialis ministris aliquod officium seculare infra eundem locum excerceræ aut excerceræ pretendere pro quacunque causa nisi pro causa que penam mortis petit et hec etiam concessi et renovari feci cum consensu ac licentia omnium optimatum meorum in illo regali vico et concilio quod habebatur æt Welesburnan et nullus homo ex nostris non querat ab illis plus majorem causam huius nisi quo ante et jam nunc est concessum et ordinatum ea duntaxat condicione statuta ut oraciones et obsecraciones ibi Deo serviencium pro me et pro justis heredibus meis jugiter in illa æcclesia nocte et die memoriter serventur . Qui vero hanc concessionis libertatem heredum vel successorum meorum custodierit eterna claritate coronetur et nomen ejus sit scriptum in libro vitæ . Si quis quod absit cujuslibet personæ , contra hanc libertatis cartulam venire nititur sit sub anathemate Jude proditoris domini nostri Jesu Christi nisi hic Deo et hominibus digne emendaverit et si quis hoc augere vel servare voluerit benediccionem Dei celi cum omnibus sanctis suis percipiat in sempiternum . Amen. + Hæc fuerunt gesta et concessa anno dominicæ Incarnationis dccc o lxii o Indictione x a cum consensu et beneficentiæ piisimi regis Merciorum Burgredi et venerabilis archiepiscopi Ciolno∂i et omnium episcoporum et principum et aliorum nobilium quorum nomina et signa hic infra notantur ut firmior hec res in eternum constitueretur . + Ego Burgre∂ rex Merciorum hanc propriam donacionem libertatis et positive signum crucis inpono . + Ego Ciolnold gratia Dei archiepiscopus hanc donacionem confirmans subscripsi . + Ego Æˇelsui∂ regina huic donacioni regis concesse signum crucis infixi . + Ego Wulfsig episcopus consensi et subscripsi . + Ego Ciorre∂ episcopus consensi et subscripsi . + Ego Humberrht dux consensi . + Ego Biorno∂ dux consensi . + Ego Eamberht dux consensi . + Ego Ea∂red dux consensi . + Ego Beornhear∂ dux consensi . + Ego Aldred abbas . + Ego Plegberht abbas . + Ego Wulfred . + Ego Werinberht . + Ego Ælfstan . + Ego Berhtric . + Ego Beornwulf . [Begins with a list of earlier grants, see S 1782] et jam vero ego Burgredus , Deo omnipotentissimo concedente et auxiliante , rex Mercencium , pro remedio animæ meæ mihi in elemosinam sempiternam liberabo civitatem illam et alia monasteriola loca quæ ad se obediunt et pertinent , eadem libertatis causa qua ante fuerunt libertati sub me et antecessoribus meis , et hoc cum consensu et concilio ac licentia omnium optimatum nostrorum factum est in illo regale vico et concilio quod habebatur æt Walesburnam ; et nullus homo ex nostris ministris non intromittat vel quærat ab illis plus majorem causam nisi quo ante fuerat donatum et constitutum , ea duntaxat conditione statuta , ut orationes illorum deprecationesque pro me et pro justis hæredibus meis jugiter in illa ecclesia nocte et die memoriter servarentur . Qui vero hanc donationis libertatem hæredum vel antecessorum meorum benigna mentis intentione atque illæsa cogitatione custodierit , æterna claritate coronetur , ornetur , glorificetur , et nomen ejus sit scriptum in libro vitæ ; si quis autem , quod absit , cujuslibet personæ tyrannico cupiditate instinctus contra hanc diffinitionis libertatisque cartulam sæculari potentia fretus venire nititur , sit sub anathemate Judæ proditoris domini nostri Jhesu Christi , et illum projectum et alligatum in æternis pænis sempiternis flagris fieri damnatum , nisi hic Deo et hominibus cum bona satisfactione digne emendaverit ; et si quis hoc augere vel servare voluerit , benedictioni Dei cæli cum omnibus sanctis sine fine percipiat in sempiternum . Amen . + Hæc fuerunt gesta et renovata anno dominicæ incarnationis octingentesimo septuagesimo secundo , indictione quinta , cum consensu et beneficentia et confirmatione piissimi regis Merciorum Burgredi , et venerabilis archiepiscopi nostri Ciolnodi , et omnium episcoporum et principum et multorum heroicorum virorum quorum nomina et signa hic infra notantur , ut firmior et prolixior hæc res in æternum constitueretur . + Ego Burgredus , rex Merciorum , hanc propriam donationem libertatis et positive signo crucis impono . + Ego Cionoldus gratia Dei archiepiscopus hanc donationem confirmans subscripsi . + Ego Etheldriuda regina huic donationi regis concessæ signo crucis infixi . + Ego Wulfrig episcopus consensi et subscripsi . + Ego Ciorred episcopus consensi et subscripsi . + Ego Alchun episcopus consensi et subscripsi . + Ego Berthred episcopus consensi et subscripsi. + Ego Diorlaf episcopus consensi et subscripsi . + Ego Biornod dux consensi et subscripsi . + Ego Humberth dux consensi et subscripsi . + Ego Uulflaf dux consensi et subscripsi . + Ego Eamberht dux consensi et subscripsi . + Ego Eadred dux consensi. Et alii tam duces quam abbates subscripserunt .