Show all data

• Metadata

  Text

  • In nomine sancte trinitatis. Quamuis decreta pontificum et uerba sacerdotum uelut fundamenta montium indistrictis ligaminibus fixa sint, tamen plerumque tempestates et turbines secularium rerum etiam religio sancte Dei ecclesie maculis reproborum dissipatur ac rumpitur. Idcirco incertum futurorum temporum statum prouidentes, posteris succedentibus profuturum esse decreuimus ut ea que communi tractatu salubri consilio diffiniuntur certis literulis roborata confirmentur. Quapropter ego Edmundus rex Anglorum ceterarumque gentium in circuitu persistentium gubernator et rector cuidam michi fidelissimo in Christo ministro et episcopo nomine Ælfredo quandam ruris partem de terra episcopatus sui quam ipse modo et prius antecessores sui pontificali iure possederant. Ego autem, largiente Dei gratia, regiminis munimine utor ad possidendam hereditatem ipsi concedo stiloque perhenni trado .vi. mansas in duobus locis, .iiii. mansas at Brakelesham et .ii. mansas at Thorneia. Tali autem tenore hoc prefate munificentie munus tradendo concessi ut possideat et firmiter teneat usque ad ultimum cursum uite sue cum omnibus utensilibus que infra terminos eiusdem ruris continentur, tam in notis causis quam ignotis, in modicis et in magnis, terra et mari, humido et sicco, campis, pratis, pascuis, siluis siluarumque densitatibus, donans donabo libertatem. Et postquam humani generis fragilitatem deseruerit et ad desiderabilem iocunditatis uiam per gratiam superni iudicis adierit, succedendum sibi cuicumque libuerit eternaliter derelinquat ceu superius prenotaui. Sit autem predictum rus liber ab omni fiscali tributo seculariumque seruitutum exinanitum, sine expeditione et pontis arcisue instructione. Precipioque in nomine Dei summi tam nobis uiuentibus quam etiam diuina precepta predicantibus huius libertatis statuta ad irritum deducere minime quispiam presumat. Quisquis beniuola mente meam donationem amplificare satagerit in hoc presenti seculo, uita illius prospera feliciter longiturne uite gaudia teneat. Si quis autem propria temeritate uiolenter inuadere presumpserit, sciat se procul dubio ante tribunal districti iudicis titubantem tremebundumque rationem redditurum, nisi prius digna satisfactione emendare maluerit. Istis terminis predicta terra circumgirata esse uidetur. Acta est hec hec prefata donatio anno ab incarnatione Domini nostri Iesu Christi .dccccxlv., indictione .iii. + Ego Edmundus rex Anglorum prefatam donationem cum sigillo sancte crucis confirmaui. + Ego Eadredus eiusdem regis frater consignaui. + Ego Eadgiua eiusdem regis mater predictum donum consensi. + Ego Oda Dorobernensis ecclesie archiepiscopus eiusdem regis donationem cum tropheo agie crucis consignaui. + Ego Wulstan archiepiscopus eiusdem regis donationem cum sigillo sancte crucis roboraui. + Ego Theodred Londoniensis ecclesie episcopus confirmaui. + Ego Ælpheah Wintoniensis episcopus triumphale tropheum agie crucis inpressi. + Ego Kenwald episcopus confirmaui.
• Metadata

  Old Text

  • C. Chichester, D.R.O., Episc. VI. 1. 6 (Liber Y), 74v-75r: copy, s. xiii med Rubric: Carta Edmundi regis Anglorum de .iiii. mansis in Bracklesham et .ii. Torneia E. Chichester, D.R.O., Episc. VI. 1. 2 (Liber B), 19r: copy, s. xiv 2 Rubric: Carta Edmundi regis de .vi. mansis in Brakelesham et Ernele In nomine sancte trinitatis. Quamuis decreta pontificum et uerba sacerdotum uelut fundamenta montium indistrictis ligaminibus fixa sint, tamen plerumque tempestates et turbines secularium rerum etiam religio sancte Dei ecclesie maculis reproborum dissipatur ac rumpitur. Idcirco incertum futurorum temporum statum prouidentes, posteris succedentibus profuturum esse decreuimus ut ea que communi tractatu salubri consilio depinguntur certis literulis roborata confirmentur. Quapropter ego Edmundus rex Anglorum ceterarumque gentium in circuitu persistentium gubernator et rector cuidam michi fidelissimo in Christo ministro et episcopo nomine Ælfredo quandam ruris partem de terra episcopatus sui quam ipse modo et prius antecessores sui pontificali iure possederant. Ego autem, largiente Dei gratia, regiminis munimine utor ad possidendam hereditatem ipsi concedo stiloque perhenni trado .vi. mansas in duobus locis, .iiii. mansas at Brackelesham et .ii. mansas at Thorneia. Tali autem tenore hoc prefate munificentie munus tradendo concessi ut possideat et firmiter teneat usque ad ultimum cursum uite sue cum omnibus utensilibus que infra terminos eiusdem ruris continentur, tam in notis causis quam ignotis, in modicis et in magnis, terra et mari, humido et sicco, campis, pratis, pascuis, siluis siluarumque densitatibus, donans donabo libertatem. Et postquam humani generis fragilitatem deseruerit et ad desiderabilem iocunditatis uiam per gratiam superni iudicis adierit, succedendum sibi cuicumque libuerit eternaliter derelinquat ceu superius prenotaui. Sit autem predictum rus liber ab omni fiscali tributo seculariumque seruitutum exinanitum, sine expeditione et pontis arcisue instructione. Precipioque in nomine Dei summi tam nobis uiuentibus quam etiam diuina precepta predicantibus huius libertatis statuta ad irritum deducere minime quispiam presumat. Quisquis beniuola mente meam donationem amplificare satagerit in hoc presenti seculo, uita illius prospera feliciter longiturne uite gaudia teneat. Si quis autem propria temeritate uiolenter inuadere presumpserit, sciat se procul dubio ante tribunal districti iudicis titubantem tremebundumque rationem redditurum, nisi prius digna satisfactione emendare maluerit. Istis terminis predicta terra circumgirata esse uidetur. Acta est hec hec prefata donatio anno ab incarnatione Domini nostri Iesu Christi .dccccxlv., indictione .iii. + Ego Edmundus rex Anglorum prefatam donationem cum sigillo sancte crucis confirmaui. b2 + Ego Eadredus eiusdem regis frater consignaui. + Ego Eadgiua eiusdem regis mater predictum donum consensi. + Ego Oda Dorobernensis ecclesie archiepiscopus eiusdem regis donationem cum tropheo agie crucis consignaui. + Ego Wulstan archiepiscopus eiusdem regis donationem cum sigillo sancte crucis roboraui. + Ego Theodred Londoniensis ecclesie episcopus confirmaui. + Ego Ælpheah Wintoniensis episcopus triumphale tropheum agie crucis inpressi. + Ego Cenwald episcopus confirmaui.