S 859

A.D. 985. King Æthelred to Wulfric, his sacerdos: grant of 1 hide (mansa), half at Borstealle (? Dorstealle) and half at Haestan dic and Cnollam. Latin

Archive:

Christchurch (Twynham)

MSS:

1. London, British Library, Cotton Tiberius D. VI, ff. 27v-28r (s. xiv)

Printed:

K, 647; Pierquin, Recueil, pt 4, no. 61

Comments:

Stevenson 1914, p. 692 n. 16, doubtful or spurious; Ekwall, D.E.P.N., p. 282, suggests Cnollam may be Knole, Kent; Finberg 1969, p. 42 n. 2, beneficiary probably a royal clerk or chaplain; Hart, ECNE, p. 190, shares formulas with S 853, may cover Knole and Borstal in Kent; Keynes 1980, pp. 86, 88 n. 21, 90, 245, authentic

Show all data

  • Metadata

    Old Text

    • Summi tonantis onomate. Ratis nos affirmationibus sancti iustique patres diuinis ammonent oraculis, ut deum quem diligimus et credimus intima mentis affectione cum exhibitione operum bonorum diligentia incessanter timeamus et amemus, qui retributionem omnium actuum nostrorum in die examinationis iuxta uniuscuiusque meritum reddet. Quapropter ego Æ∂elredus totius Albionis basileos meo fideli sacerdoti Wulfric nomine pro remedio animae meae, aliquam ruris particulam, unam uidelicet mansam, tribus in locis, dimidiam mansam in loco qui dicitur æt Borstealle, et dimidiam mansam æt Hæstan dic et æt Cnollam, libenti animo perpetuali libertate largitus sum; ut, uita comite, habeat possideatque in aeternam haereditatem cum omnibus ad se rite pertinentibus, id est, pascuis, pratis, siluisque; et quando de hoc mundo uolubili migrauerit cuicumque haeredi uoluerit tribuat. Sit autem rus praedictum in omnibus liberum mundialibus causis, exceptis istis tribus, uidelicet, expeditione, pontis arcisque constuctione. Si autem aliquis, quod non cupimus, inflatus diabolica temeritate, aliquid in hoc nostro dono mutare uel minuere temptauerit, sciat se proculdubio in uoraginibus ultricium flammarum iugiter arsurum, et in aeternum periturum, nisi prius hoc digna satisfactione, deo fauente, studuerit emendare. Territoria autem huius ruris ab incolis sic distincta et circumcincta clarescit. Haec autem scedula carraxata est anno dominicae incarnationis .DCCCC.LXXXV. indictione .XIII. hiis testibus consentientibus quorum nomina infra carraxata sunt. + Ego Æ∂elredus rex Anglorum hanc meam donationem cum consensu episcoporum, ducum et optimatum meorum libenter concessi. + Ego Dunstan archiepiscopus Dorouernensis aecclesiae cum signo crucis Christi confirmaui. + Ego Oswold Eboracae ciuitatis archiepiscopus crucis taumate adnotaui. + Ego Ælfstan Lundoniensis urbis superspeculator uexillum sanctae crucis consignaui. + Ego Ælfheah Wintoniensis ciuitatis praesul trophaeum agiae crucis consolidaui.