Show all data

• Metadata

  Old Text

  • In nomine creatricis et dominatricis sanctae trinitatis Dei omnipotentis, qui solus regnum incommutabile et incorruptibile atque ineffabile perpetua potestate possidet ac continet. Ego Æ∂ered Christo annuente rex et primicerius totius Albionis aliquantulam terrae portiunculam id est trium sub estimatione perticarum in loco ut a gnosticis Hamme dicto pro remedio animae meae ad monasteriolum sanctissimi Petri principis apostolorum qui noto A∂elinganye nuncupatur onomate, ad supplementum coenobialis uitae Christocolis sub Ælfrico abbate ibidem deo deuote seruientibus, libenter concedo, quatenus orationum suarum officia frequentantes pro nostra fragilitate enixius interpellare nitantur. Et hoc donum liberum ab omni saeculari seruitio perstringimus, nisi forte cunctae plebi necesse sit uallum aut fossam hostis obiicere exercitui seu certe pontem construere regis regisue expeditionem inire. Hoc itaque nostrum decretum frangentibus Paradisi aditus denegetur, augentius uero rex regum omnipotens gaudia supernorum ciuium in coelesti Ierusalem concedat in aeternum. Facta est autem haec praefata donatio anno dominicae incarnationis .mix. indictione .vii., consentientibus idoneis testibus quorum nomina subtus praenotata cernentibus clare patescunt. + Ego Æ∂elred rex singularis priuilegii monarchia praeditus huius indiculi soliditatem cum signo sanctae crucis + corroboraui. + Ego Ælfheah Dorobornensis aecclesiae archiepiscopus eiusdem regis donationem cum uexillo agiae crucis confirmaui. + Ego Wulfstan Eboracensis aecclesie archiepiscopus consensi et subscripsi. + Ego Æ∂elstan clito. + Ego Eadmund clito. + Ego Eadred clito. + Ego Ælfin episcopus. + Ego Æ∂elwold episcopus. + Ego Lyfing episcopus. + Ego Bryhtwald episcopus. + Ego Æ∂elric episcopus. + Ego Ælfward abbas. + Ego Ælfsige abbas. + Ego Brihtwald abbas. + Ego Ælfric dux. + Ego Leofwine dux. + Ego Uhtred dux. + Ego Æ∂elmer minister. + Ego Ælfgar minister. + Ego Brihtric minister.