Show all data

• Metadata

  Old Text

  • In nomine sanctae et indiuiduae trinitatis. Eadwardus, diuina gratia largiente, Anglorum rex. Quum religiosi antecessores nostri dignitatem aecclesiarum clarissimam interdum fore perspexerunt terrenarum opulentia rerum, tam quae authoritatis robur habere quanta fulciebatur copia diuitiarum, digne tenuitatem aecclesiasticam larga amplificare studuerunt manu tam in possessione praediorum quam caeteris redditibus legalium constitutionum. Etenim uero, cum ipsi fideles qui sumus in Christo ab apostolo uocemur et simus aecclesia quamprope quam numerosa multitudine gentium in unitate corporis sui ad aecclesiam dei nuncupamus, sua christiana consecrauit gratia uidebimur adulterini et non filii, si in eius non sedules nos exhibuerimus dilatanda gloria. Quapropter ego Eadwardus, Christi pietate rex Anglorum, dolens Eboracum metropolim nostro tempore deiecta, ad antiquam celsitudinem qua illustrabatur; a piis regibus nostris praedecessoribus, in pristinum cupiens reparare dignitatis statum, nostro fideli domino archiepiscopo eiusdem aecclesiae metropolitanae Eadwardo regali domino, dono nostro contulimus ad integrum, quicquid a pio patre nostro Aldredo Anglorum rege eius antecessori Oswaldo praedictae sedis pontifici est collatum, et post cum Romae peteret pallium a beato papa Formoso per priuilegii descriptionem ei est traditum donum, scilicet, Wiricestriae episcopatus, per nostrum tamen consilium deponendum, in archiepiscopatus dignitate exaltanda supplementum uicarium, quod etiam idem Oswaldus, et post eum Adulphus et Wlstanus archipraesules regio munere adepti sunt et tenuerunt quietum et solidum, donec Anglia dirupta est et discissa inuasione Danorum, et cum caeteris ornamentis aecclesiarum praedictae ciuitas illud papae Formosi priuilegium constat esse incensum; hic autem charissimus noster Ealdadus episcopi curam suscipiens eiusdemque aecclesiae iura requirens et sciens a beato papa Nicholao Romae pallio donatus, ad nos super aecclesiae sibi commissa dignitate apostolica scripta signata detulit, quibus cum sua fidelitate commoniti iustam petitionem papae et suam nolumus refutare quod absit, praesertim, cum super eadem re apostolicum praesentauit priuilegium. Donauimus igitur consilio reginae meae, et aliorum fidelium, ei eiusque posteris ordinationem Wirecestriae episcopatus, cum nostro tamen disponendam consilio, quatenus in exequenda episcopali cura eo specialius utatur uicario utque a beato papa Nicholao in eius scriptum habetur priuilegio. Quod si quis e regibus posteris nostris infringere temptauerit, iram dei incurrat, et sit anathema, secundum supradictum apostoli decretum, nisi resipiscat. Ut autem hoc meae descriptionis priuilegium perpetuo inuiolatum seruatur, manus nostrae signum sigillique auctoritas subter insignitur; item regiae uxoris meae testimonio munitur; episcoporum quoque interminatio cum singulorum nomine et caractere exprimitur abbatum; et principum regni nostri contestificatione fulcitur. + Ego Eadwardus dei gratia Anglorum rex hoc scriptum confirmaui. + Ego Eadi∂a dei pietate Anglorum regina iussu domini mei regis uoluntarie huic descriptioni faueo. + Ego Stigandus archiepiscopus subscribo. + Ego Hermannus episcopus subscribo. + Willielmus episcopus. + Leofric episcopus. + Robertus stalre. + Osbernus capellanus. + Raimboldus. + Petrus. + Haraldus dei gratia dux. + Tosti. + Ælgarus dux. + Gir∂ dux. + Leofwinus dux. + Brihtric. + Ulf. + Suen. + Ælno∂. + Walder subscripsimus. Actum Wintoniae in publica curia natalis Christi in die festiuitatis sancti Syluestri, anno domini .m.lxv. anno autem regni nostri .xxi. per omnia benedictus deus, Amen. + Ego Ælfno∂ abbas. + Aselnodus abbas. + S. Leofricus abbas. + Ego Ealdredus subdiaconus scriptum recognoui.