Show all data

• Metadata

  Old Text

  • Ego Eadwardus totius Anglie basileus. demonstro cunctis fidelibus mei regni quod Leofricus dux fidelis meus dedit quandam terram que uocatur Heamtun ad monasterium in Eouesham pro salute anime mee. et pro sua et suorum. Et ego concedo ut fratres et monachi eusdem monasterii habeant hanc elemosinam in hereditate perpetua. ad uictum suum cum omnibus redditibus qui pertinent ad eandem terram. Ipsa uero terra in iura antecessorum meorum per iudicium uenit. et uolo et concedo ut sicut antecessores liberam eam habuerunt. et dederunt cui uoluerunt. ita abbas eiusdem monasterii et successores sui liberam eam habeant. neque de aliqua lege uel de expeditione arcis pontisue constructione. neque de tributis exsoluendis. alicui homini respondeant nisi mihi et successoribus meis. Quicumque hanc nostram donationem seruauerit. seruet illum deus ad uitam eternam. Qui uero excidere uoluerit aut temptauerit. excidatur de gloria paradisi. et detrudatur in penas inferni. nisi resipuerit et ad emendationem uenerit. Ego Eadwardus rex confirmaui. et mea manu corroboraui. Ego Edsinus archiepiscopus confirmaui. Ego Ælfricus archiepiscopus consensi. Ego Stigandus episcopus consensi. Ego Eadnoth episcopus consensi. Ego Lifingus episcopus consensi. Ego Wulsinus episcopus consensi. Ego Ælfwardus episcopus consensi. Ego Hecha episcopus consensi.