Show all data

• Metadata

  Old Text

  • Eadwardes cininges freols to Tantunæ. Regnante imperpetuum domino nostro Iesu Christo cuius potestas nec crescit nec minuit . omnibusque presentis uite curriculis cotidie semper subterlabentibus sueque condicioni omnibus uisibilibus et inuisibilibus ineuitabiliter uelint nolint cotidie subdentibus . Quapropter ego Eadward . diuina indulgente clementia Angul Saxonum rex omnia quecumque dicta aut facta uel etiam pacta sunt in nostris temporibus relatui digna pro necessitate anime mee et pro communi nostra necessitate necnon etiam subsequentis posteritatis nostre litterarum memorie commendare procuraui ne aut fusca obliuionis caligine oblitterata uel incuria scriptorum et testium id agente ignorata regnantibus post nos et suis optimatibus ad lites et contentiones de cetero deuenirent . Qua de re in hac cartula demonstrare conor quod ego cum consilio et consensu optimatum meorum quorum nomina infra scripta sunt libertatem illius monasterii quod saxonice . Tantun . dicitur cum omnibus ad se pertinentibus . villis . campis . siluis . pascuis . pratis . et piscium capturis . in sempiterno graphio in cruce Christi Denewulfo episcopo et illi uenerabili familie in Wentana ciuitate commoranti . ab omnibus regalibus fiscalibus et commitialibus . necnon et ab omnibus mundialibus taxationibus expeditam excepta expeditione . et arcis et pontis constructione . toto mentis affectu dedi . Ea conditione quo semper prefatum monasterium pertineat atque deseruiat episcopali sedi in Wintonia ciuitate sine ulla controuersia . et sine disceptatione . nec in nostro tempore . nec etiam ab ullo nostro suscessore . hec donatio commutetur aut uioletur in sempiternum . Sed et hoc alacri animo Christo concessi ut episcopi homines tam nobiles quam ignobiles in prefato rure de gentes . hoc idem ius in omni haberent dignitate quo regis homines perfruuntur . regalibus fiscis commorantes . et omnia secularium rerum iudicia ad usus presulum exerceantur eodem modo quo regalium negotiorum discutiuntur iudicia . Predicte etiam uille mercimonium quod anglice ˇæs tunes cywing appellatur . censusque omnis ciuilis sancte dei ecclesie in Wintonia ciuitate sine retractionis obstaculo cum omnibus commodis eternaliter deseruiat . Erat namque antea in illo supradicto monasterio pastus unius noctis regi . et . viii . canum et unius caniculari pastus et pastus nouem noctium accipitrariis regis et quicquid rex uellet inde ducere usque ad Curig uel Willettun cum plaustris et equis . et si aduene de aliis regionibus aduenirent debebant ducatum habere ad aliam regalem uillam . que proxima fuisset in illorum uia . ille quoque episcopus et illa uenerabilis familia michi . lx . manentes in illis illustribus locis que saxonice ita nominantur . id est . x . manentes æt crauuancumbe . æt . x . æt cumbtune . æt . xx . æt Bananwylle . xx . quoque æt Stoce iuxta Scealdeburnan . perpetualiter in sempiterno graphio in cruce Christi pro prefati monasterii libertate ab omni regali censu et comitiali omnique mundana exactione equaliter expeditas excepta expeditione et arcis et pontis constructione libenti animo condonauerunt . Hoc etiam sub diuino testamento precipimus et imperamus ne umquam aliqua commutatio uel uicissitudo illius nostre donationis et confirmationis in utraque parte fiat . quamdiu illa christianitas in ista insula consistat . Si quis hanc nostram donationem et commutationem custodire et augere uoluerit . custodiat illum Deus et augeat illi omnia bona presentis et future uite . sin uero aliqua mala machinatione minuere uel infringere uoluerit . sciat se ante celsissimi iudicis horribile tribunal rationem redditurm in die iudicii si non prius hic digna emendauerit penitentia . Hec autem cartula scripta est . Anno dominice incarnationis . d cccc iiii . Indictione . vii . In uilla uenatoria que saxonice dicitur . Bicanleag . coram idoneis testibus quorum nomina subsequenter scripta sunt . Ego Eadward Rex . Ego Pleigmund archiepiscopus . Ego Denewulf episcopus . Ego Wulfsige episcopus . Ego Æˇelweard filius regis . Ego Ordlaf Dux . Ego Osulf Dux . Ego Ordgar Dux . Ego Heahferd Dux . Ego Ælfwald Dux . Ego Johan presbyter . Ego Werulf presbyter . Ego Tata presbyter . Ego Æˇelstan presbyter . Ego Byrnstan presbyter . Ego Searu presbyter . Ego Wealda presbyter . Ego Fri∂estan minister . Ego Wighel minister . Ego Witbord minister . Ego Deormod minister . Ego Beorthelm minister . Ego Odda minister . Ego Wlfred minister . Ego Buga minister . Ego Ealhmund minister . Ego Wlfstan minister . Ego Æˇelfer∂ minister . Ego Wlfhelm minister . Ego Wlfhun minister . Ego Wlfhere minister . Ego Wlfric minister .