Show all data

• Metadata

  Old Text

  • Regnante domino nostro Jhesu Christo . Huius labentibus properanter temporibus regnaque fluunt cum regibus velocissimo trahentibus curru licet firmata priori statu labi nulli sapienti ignotum est et gaudia hic pallentis vite desiderantur . Quapropter ego Ethelstanus rex Anglorum ceterarumque gencium in circuitu persistencium gubernator et rector pro petitione nobilium meorum dedi quandam particulam terre mee in loco qui dicitur ecclesia sancte Beriane , id est unam mansam in septem loca divisam , in honorem Dei et beate Beriane pro redemptione anime mee et pro longevitate dierum meorum in eternam hereditatem largitus sum cum omnibus ad se pertinentibus campis pratis pascuis rivulis piscariis , ea videlicet conditione , ut libera sit illa prefata terra ab omni mundiali censu nisi oratione quam clerici mihi promiserunt , id est . c . missas et . c . psalteria et cotidie orationes . Si quis vero donacionis huius destructor existere conatus fuerit , deleatur nomen ejus libro viventium et cum justis non scribatur ; qui vero fautor et observator , addat ei Deus dies in regione vivorum . Acta est hec prefata donatio anno ab incarnatione domini nostri Jhesu Christi . dcccc mo . xliii o . xix o . cicli . vii o . indictione . ii . concurrente . vii . epacta . xii . mei imperii vi to . cicli lunaris . v to . xi . luna . pridie nonas Octobris in villa quæ dicitur Kyngeston . Istis terminis ambitur predicta tellus , id est , a fonte usque ad fossam et a fossa quæ tendit circa Rescel cromlegh usque ad Yolbrunnemian et inde usque ad Fimbol et inde usque ad Ponsprontiryon et inde usque ad Mahen halen et inde ad Pelnagerens et inde usque ad Mankependoim ascendens contra montem usque ad Polmadice et inde circa fossam ad Kacregan et inde per rectitudinem viæ usque ad rivulum ascendens contra rivulum usque ad fontem postea ad villam quæ dicitur Bodenewel tres arpennas . Incipit quoque terminus villulæ a Benberd ascendens contra rivulum usque ad Melynon et inde usque ad Maen tol in Lentrisidyn ascendens per rectitudinem viæ contra montem per mediam Bossegham et inde per rectitudinem fossæ usqye ad Fonghad descendens inter duas fossas usque ad rivulum et inde usque ad mare descendens . In Pendre unam arpennam . in Bokankeed . iii . arpennas . in Botilwoelon . ii . arpennas . in Treikyn . ii . arpennas . in Bosselynyn . i . arpennam . in Trevenen . i . arpennam . + Ego Æ∂elstanus rex totius Britanniæ hoc cirographum cum signo sanctæ crucis corroboravi . + Ego Wulfhelmus archiepiscopus consensi et subscripsi . + Ego E∂elfel archiepiscopus affirmavi et subscripsi . + Ego Radulfus archiepiscopus annui et subscripsi . + Ego Conanus episcopus subscripsi . + Ego Æ∂elstanus dux testis . + Ego Ælfstan dux testis . + Ego Beordolf dux testis . + Ego Hulfrit dux testis . + Ego Helfrit dux testis . + Ego Oddo discifer testis . + Ego Wulfheh in Trimfine testis . + Ego Helpine discifer testis . + Ego Ælfno∂ minister testis . + Ego Wulfar minister testis . + Ego Ælfno∂ minister testis . + Ego Ælfrid minister testis . + Ego Beorno∂ minister testis . + Ego Ædulfus minister testis . + Ego Geordaf Æ∂elmarch testis . Si quis igitur , quod avertat Deus , predictæ nostræ dedicationis protectionis et confirmationis sanctuarii et libertatis præsentis autentico inserte fuerit invasor , nisi resipuerit , indignationem Dei et beatæ Mariæ ac omnium sanctorum se noverit incursurum ac nostræ et Exoniensis ecclesiæ sententiæ et ulcioni per districtionem ecclesiasticam subjacebit , usque ad condignam satisfactionem . omnes autem illi , qui prædicta omnia firmiter et fideliter observaverint , et juverint statum ac libertatem et sanctuarium antedictum ecclesie sæpedictæ , studio pietatis adducti gratia et protectione Dei et beatæ Mariæ et eorum quorum honori dedicata est ecclesia , necnon omnium sanctorum ac nostris et Exoniensis et omnium ecclesiarum Dei orationibus vitam cum sanctis optinere mereantur eternam .