A.D. 947. King Eadred to Ælfstan, his faithful minister; grant of 17 hides (mansae) at Wigborough, Essex. Latin

Archive:

Barking

MSS:

1. Hatfield House, Ilford Hospital, 1/6, ff. 15v-16r (s. xvi med.)

Comments:

Hart 1993, p. 183, on estate; Foot 2000, II. 31

Show all data

  • Metadata

    Old Text

    • Rubrics: (1) Carta Eadredi Regis Anglorum (2) in the left hand margin: at Picgan Beorgun In nomine almi et agie sophiea qui monarchiam mundi totius ac celsitudinemb celorum abditamque profunditatem turgentis oceanic in altis et in imis omnia cum sue maiestatis imperio nunc et in euum gubernat . Status namque huius mundi in uelocitate deficiet . et rotunda seculorum uolubilitas facessetd . sic alternando creaturarum qualitas decrescit . sic mutando mortalis uite fragilitas fatescit . de qua miserrima humani status uicissitudine ecclesiastes celesti afflatus spiritu competenteme protulit sententiam . 'Generatio' inquit 'uenit et generatio uadit.'1 'Alii nascuntur et alii moriuntur.'2 Quam ob rem ego Eadredus rex Anglorum ceterarumque gentium in circuitu persistentium gubernator et rector . cuidam fideli meo ministro uocitato nomine Elfstano . pro eius amabili obedientia eiusque placabili fidelitate quam michi in sue deuotionis obsequio semper egit . xvii . mansas in illo loco ubi iamdudum solicole illius regionis nomen imposuerit at Wicgan beorgun . quatenus ille bene perfruatur ac perpetualiter possideat . quamdiu Deus per suam mirabilem misericordiam uitam ei et uitalem Spiritum concedere uoluerit deinceps namque sibi succedenti cuicumque placuerit heredif derelinquat ceu supradiximus in eternam hereditatem . Maneat igitur nostrum hoc inmobile donum eterna liberalite iocundum cum uniuersis que rite ad eundem locum pertinere dinoscuntur . tam ing pascuis quam in pratis siluis . excepto communi labore expeditionem pontis arcisue coedificatione . Siquis autem huius donacionis munificentiam augendo uoluerit . feliciter intra celibes celestium turmarum sine fine in eterna doxa uoti composh leteturi . sin autem quod non optamus infringere temptauerit predictum donum . nouerit se esse anathematizatum ante tribunal Domini nostri Iesu Christi nisi prius hic digna satisfacione emendare malueritj . Anno ab incarnacione Domini nostri Iesu Christi . Dccccxlvii . indictione quinta acta est hec prefatak donacio . + Ego Eadredus rex Anglorum prefatam donationem sub sigillo sancte crucis indeclinabiliter consensi atque roboraui + Ego Eadgifu eiusdem regis mater cum sigillo sancte crucis consignaui + Ego Oda Dorobornensis ecclesie archiepiscopus eiusdem regis principatum et beniuolentiam cum sigillo sancte crucis impressi + Ego Wulfstanus archons diuine seruitutis officio mancipatus Eborace ciuitatis archiepiscopus sigillo sancte crucis impressi + Ego Theodred Londiniensis ecclesie episcopus corroboraui + Ego Elfeah Wintaniensis ecclesie episcopus testudine sancte crucis subscripsi et confirmaui + Egol Cenwald episcopus predictum donum consensi + Ego Elfric episcopus confirmaui + Ego Ethelgar episcopus roboraui + Ego Wulfsige episcopus confirmaui + Ego Elfred episcopus concensi + Ethelstan dux + Eadric dux + Ethelstan dux + Wulfgar dux + Ealhelm dux + Athelmund dux + Eadmund minister + Wulfric minister + Elfsige minister Istis terminibus predicta terra circumgirata esse uideturm