A.D. 964. King Edgar to Muchelney Abbey; confirmation of liberties, including the right of the community to elect its own abbot after the death of Bishop Ælfwold (of Sherborne). Latin

Archive:

Muchelney

MSS:

1. London, British Library, Add. 56488, ff. 9v-10v (s. xiii 2)

Printed:

Bates, Two Cartularies, no. 3 (pp. 40-1

Comments:

Bates, Two Cartularies, pp. 41-3, doubtful authenticity; Finberg, ECW, no. 489, authentic; HRH, p. 237 and n. 1, doubtful, subscriptions probably consistent for 964 x 970; Keynes 1980, p. 72 n. 145, probably spurious; Edwards 1988, p. 207, suspicious; Kelly, Abingdon, pp. 000-000, probably authentic

Show all data

  • Metadata

    Old Text

    • Annuente altitroni moderatoris instinctu qui sua ineffabili omnipotentia cuncta que condidit mirabiliter disponit, conditaque justo misericorditer gubernat moderamine. Ego Edgar tocius Britannie basileus corde tenus rimari ceperam que vel qualia gererem que ipsi grata animeque nostre de cetero profutura forent. Nam cuncta que humano cernuntur intuitu recidiva ac temporalia sunt que ante non videntur eterna jugiterque mansura haut dubio consistunt. His igitur recidivis donum opitulante gratia eterne patrie emolumenta lucrari et future beatitudinis contubernia adipisci toto mentis annisu sattagimus. Hoc utretrementum nostri pectoris archano creberrime volutans de ecclesie statu saluberrime diffiniens cenobium Domino nostro Jhesu Christo nec non beato Petro apostolorum principi dedicatum loco celebri qui Miclani noto nuncupatur onomate luculenter editum obtimatum meorum usus conciliabulo eidem ditans dono libertati qua priscis locupletatum gloriebatur temporibus Scilicet ut Alfwold presul egregius vita comite eidem presideat monasterio monachosque inibi constituens regulati degentes norma paterno more foveat erudiat atque gubernet. Cum vero ultimum migrans ad Dominum exaltaverit spiritum quem sibi omnis concors congregacio ex eodem fratrum cuneo elegerit secundum regule preceptum benivolum constituat abbatem, ac deinceps huius eleccionis libertas usu teneatur perpetuo nec sibi presulum quispiam post huius obitum jus sibi super monachos arripiat tirannidis Set abbas ut diximus electus regularis vite disciplinam monachis sibi subjectis diligenti adhibeat sollicitudine. Sit autem prefatum monasterium omniaque rura sibi a predecessoribus nostris collata cum omnibus utensibilibus que celorum Dominus in ipsis mirabiliter edidit pratis videlicet pascuis silvis piscariis perpetua libertate solutum. tribus his exceptis rata videlicet expedicione pontis arcisve restauracione. Qui autem predicti monasterii bona augere voluerit amplificet omnipotens Dominus ejus prospera hic et in futuro seculo. Si quis vero quod absit hanc nostram stabilem libertatis confirmacionem in aliud quem constituimus transferre voluerit privatus consorcio sancte Dei ecclesie eternis baratri incendiis lugubris jugiter cum Juda Christi proditore ejusque complicibus puniatur, si non satisfaccione emendaverit congrua quod contra nostrum deliquid decretum. Anno dominice incarnacionis .dcccclxiiii. scriptum est hoc privilegium his testibus consencientibus quorum inferius nomina notantur. + Ego Eadgar Anglorum basileus huius sirigraphe caucionem agie crucis caumate tripudians corroboravi + Ego Dunstan archiepiscopus confirmavi + Ego Adˇeluualdus episcopus concessi + Ego Osulf episcopus consolidavi. + Ego Brithelm episcopus consignavi. + Ego Adhelstan episcopus adquievi. + Ego Ospold episcopus adquievi. + Ego Aluuold corroboravi + Elfric abbas + Aescwig abbas + Osgar abbas + Orbritht abbas + Adhelstan abbas + Ealred abbas + Sigefer∂ abbas + Aelfere dux + Aelfheah dux + Aˇelstan dux + Aˇelwine dux + Beorhtnoˇ dux + Aeˇelmund dux + Brihtferˇ miles + Aelfyn miles + Aˇelweard miles + Ordgar miles + Wlftan miles + Alfwold miles + Osulf miles + Osweard miles