S 83

A.D. 716. Æthelbald, king of Mercia, to the church of St Mary, Evesham; grant of 25 hides (mansae) at Acton Beauchamp, Herefords.; Bransford, Hampton Lovett near Droitwich, Upton Warren, Witton in Droitwich, Sheriffs Lench, Worcs.; at Weston-on-Avon, Warwicks.; and at Hidcote and Larkstoke in Admington, Gloucs. Latin

Archive:

Evesham

MSS:

1. London, British Library, Harley 3763, f. 62v (s. xii)

Printed:

K, 65; B, 134

Comments:

HS, p. 281, spurious; Finberg, ECWM, no. 12 (pp. 33, 90, 139, 237), spurious; correction p. 237; Sawyer 1977, p. 148 n. 44, doubtful authenticity; Sawyer 1978, p. 225, authenticity uncertain; Hooke 1981a, p. 148, on Droitwich; Scharer 1982, p. 161, spurious, anachronistic formulas; Campbell 1989, p. 24, spurious; Hooke 1990, pp. 24-5, on estates; Sims-Williams 1990, p. 150, forged; Hooke 1999, p. 20

Show all data

  • Metadata

    Old Text

    • In nomine Dei summi et altissimi . Certis adstipulationibus nos sancti et justi patres frequentativis orationibus admonent . ut Deum quem diligimus et credimus intima mentis affectione . cum bonorum operum diligentia incessanter amemus et timeamus . quia retributionem omnium actuum nostrorum in die examinationis juxta uniuscujusque meritum reddet . Ideoque subtilissima mentis certatione illum imitari satagamus . licet mortalis vitæ pondere pressi . et labentibus huius sæculi possessionibus simus incecati tamen miserationis ejus largitate caducis opibus æterna cælestis vitæ præmia mercari queamus . Quapropter ego Æ∂elbaldus Christi annuente clementia rex Merciorum pro spe mercedis æternæ . et cum concilio venerabilis archiepiscopi Britwaldi . et ob reverentiam domini abbatis Ecgwini . 'ad' ecclesiam beatæ Mariæ quæ fundata est in Ethom . anno regni mei primo .xxv. mansas perpetua largitus sum hereditate . et in locis sequestratis . videlicet . Actona . Branesforde . Hamtona juxta Wiccium . emptorium . Uptona . Wittona . Lench . Alnod . Westona juxta Avenam . Hudicota . Stoke . ut habeat in perpetuam libertatem . et possideat cum omnibus quæ Deus cælorum in ipso telluris gramine procreavit . campis . pascuis . pratis . silvis . dirivatisque aquarum cursibus . Hæc autem prædicta donatio mea et omnium prædecessorum meorum sit libera ab omni mundiali obstaculo tribus exceptis . expeditione . pontis . arcisve constructione . Deus tocius mundi creator et rector qui cuncta creavit et fecit . et cunctorum corda scrutatur et renes cunctos qui huic meæ donationi adjuverint ut firma sit sua benedictione multiplicet et custodiat . et accrescere qui voluerint . cunctis bonis crescant et repleantur . et e contrario si qui sunt qui huic meæ donationi nocere volunt . vel adversari moliuntur . in profundum inferni descendant viventes . et perpetuis pænis mancipati . judicium ultionis percipiant cum impiis nisi ante mortem ad satisfactionem venerint . et reatum suum agnoscentes pænitentiam egerint . Scripta est autem hæc donatio mea anno dominicæ incarnationis . dcc o . xvi o . His testibus consentientibus . quorum nomina infra caraxantur . Ego E∂elbaldus dono Dei rex Mertiorum pro majori stabilimento signo crucis + Christi munivi . + Ego Brithwaldus archiepiscopus confirmans subscripsi . +