S 866

A.D. 987. King Æthelred to Glastonbury Abbey; grant of 40 hides (mansae) at Kyngtune (cf. Kington St Michael and Kington Langley), Wilts., formerly purchased from King Edgar by Ælfswith, wife of Ælfheah, dux, for 40 mancuses of gold. Latin

Archive:

Glastonbury

MSS:

1. Longleat, Marquess of Bath, 39, f. 203r-v (s. xiv med.)
2. Oxford, Bodleian Library, Wood empt. 1 (S.C. 8589), f. 235v (s. xiv)

Printed:

Mon. Angl., i. 51; K, 659, ex MS 2; Watkin, Glastonbury Cart., iii. 651 (no. 1204), ex MS 1

Comments:

Finberg, ECW, no. 322, authentic; Hart, ECNE, p. 29, formulas suggest a Winchester origin; Keynes 1980, pp. 86, 89-90, 247, authentic; Abrams 1996, pp. 15 n. 29, 30, 39, 149-52, on textual transmission; on MS sources; on estate history

Show all data

  • Metadata

    Old Text

    • Annuente dei patris ineffabili humanae proli clementia, qua adnullata primi terrigenae piaculo nouae restaurationis admirabile quoddam mundo decus aeternae consortem maiestatis filium suum mittere dignatus, qui terrenae condolens fragilitati custoditae per uirginei pudicitiam flosculi affatu angeli uirginis claustra subintrans nouae incarnationis mysterium se ostentando dedicauit, ostendens se dictis uerborum factisque miraculorum, quibus deifice pollebat dominum, curans omnium imperante sermone aegrotationum pondus, tandem quadrati pro nobis ferens supplicia ligni, iugum haereditariae mortis assumens, diu longeque interdictae reserauit limina portae. Pro cuius inenarrabilis gloriae recordatione, ego Æ∂elredus gratia dei sublimatus, rex et monarchus totius insulae Britanniae, quoddam praedium, id est .xl. mansas, cum pratis siluisque, quod dicitur Kingtone, deo eiusque uenerabili genitrici semper uirgini Mariae, ad monasterium Glastingense deuotus admodum in perpetuam possessionem donando donaui; quod quidem praedium quondam Ælfsi∂ coniux Ælphegi ducis digno plenoque pretio a gloriosissimo rege Eadgaro, cum .xl. puri auri emit mancusis. Hanc autem praefatam donationem suprascripti praedii praefato monasterio perpetua libertate concessi, eo scilicet tenore, ut uenerabilis ibidem abbas cum grege digne deo degens habeat ac possideat, quamdiu fides in Anglorum catholica permanserit plebe. Si quis igitur hanc nostram donationem in aliud quam constituimus transferre uoluerit, priuatus consortio sanctae dei aecclesiae, aeternis barathri incendiis iugiter cum Iuda Christi proditore eiusque complicibus puniatur, si non satisfactione emendauerit congrua, quod contra nostrum deliquit decretum. Haec autem scedula scripta est anno ab incarnatione domini nostri Iesu Christi .DCCCC.LXXXVII. indictione .XV. hiis testibus consentientibus quorum nomina inferius scripta cernuntur. + Ego Æ∂elredus rex Anglorum huius donationis libertatem regni totius fastigium tenens libenter concessi. + Ego Dunstan archiepiscopus Dorouernensis aecclesiae cum signo sanctae crucis confirmaui. + Ego Oswald Eboracensis ciuitatis archipraesul crucis taumate annotaui.