S 919

A.D. 1008. King Æthelred to Ely Abbey; grant of 19 hides (cassati), comprising 2 hides (mansae) at Hadstock and 10 at Stretley Green in Littlebury, Essex; and 7 at Linton, Cambs., in return for 9 pounds of pure gold. Latin

Archive:

Ely

MSS:

1. Cambridge, Trinity College, O.2.1 (1105), f. 70r-v (s. xii 2)
2. Cambridge, University Library, E.D.R. G/3/28, ff. 68v-69r (s. xiii ex.)
3. Cambridge, University Library, E.D.C. 1, pp. 68-69 (s. xii/xiii)
4. London, British Library, Cotton Titus A. I , ff. 55v-56r (s. xii)
5. Oxford, Bodleian Library, Laud Misc. 647 (S.C. 1595), ff. 41v-42r (s. xii)

Printed:

K, 725, ex MS 4; Pierquin, Recueil, pt 4, no. 80; Blake, Liber Eliensis, pp. 145-6, ex MS 3

Comments:

Blake, Liber Eliensis, p. 145 n. 3, on estates; Hart, ECEE, no. 66, authentic; Hart, ECE, no. 41, authentic; Hart, ECNE, pp. 195, 214, 247, based on a text from Athelstan's reign; Keynes 1980, pp. 86 n. 15, 263, authentic; Hesse 1995, on bounds, with map

Show all data

  • Metadata

    Old Text

    • + Summo et ineffabili rerum dispositore in aeternum regnante. Omnibus gradibus qui in triquadro mundi cardine per theoricam uitam ad coelestis ac indeficientis beatitudinis iocunditatem peruenire satagunt, ultroneo deuotionis affectu cum tota mentis alacritate illuc incunctanter adnitendum est; quod quidam sapiens sagaci mente considerans sic fida pollicitatione ait, 'Meliorem autem illum iudico et propinquiorem deo qui uoluntate bonus est, quam illum quem necessitas cogit.' Qua de re infima quasi peripsema quisquiliarum abiiciens, superna ad instar pretiosorum monilium eligens, animum sempiternis gaudiis figens, ad adipiscendam mellifluae dulcedinis misericordiam, ego Æ∂elredus per omnipatrantis dexteram tocius Britanniae regni solio sullimatus, quandam ruris particulam, uidelicet .xix. cassatos, in tribus locis, quae celebri æt Cadanno, and æt Stretle, necnon æt twam Lintunum, nuncupantur uocabulo, domino nostro Iesu Christo et sancto Petro apostolorum principi, castaeque uirgini Æ∂eldredae ac sacris sororibus eius, una cum illa requiescentibus, aeterna largitus sum haereditate, ad usus monachorum in Elyensi monasterio degentium. Sunt autem duae ex hisdem .xix. mansis in illo rure quod uocatur et Cadanno, et et Stretle .x. et twam Lintunum .vii. pro quorum possessione praediorum, abbas nomine Ælfsinus dedit regi praefato appensuram .ix. librarum purissimi auri iuxta magnum pondus Normannorum. Praedicta equidem rura cum omnibus utensilibus, pratis, uidelicet, pascuis, molendinis ac siluis, ab omni terrenae seruitutis iugo sint libera, tribus exceptis, rata, uidelicet, expeditione, pontis arcisue restauratione. Si quis igitur hanc nostram donationem in aliud quam constituimus transferre uoluerit, priuatus consortio sanctae dei aecclesiae, aeternis barathri incendiis lugubris iugiter cum Iuda Christi proditore eiusque complicibus puniatur, si non satisfactione emendauerit congrua quod contra nostrum deliquit decretum. His metis praefatum rus hinc inde gyratur. Scripta est hec cartula anno ab incarnatione domini nostri Iesu Christi millesimo octauo, indictione .vi.