A.D. c. 1023 x 1032. King Cnut to Æthelwine, abbot, and the brethren of Athelney; grant of 2 hides (mansae) less 1 pertica at Seavington, Somerset. Latin

Archive:

Athelney

MSS:

1. Bath, Downside Abbey, Phillips MS 4810, pp. 75-79

Printed:

K, 1324; Pierquin, Recueil, pt 5, no. 51

Translated:

Bates, Two Cartularies, pp. 141-2

Comments:

Bates, Two Cartularies, pp. 141-2; Larson 1910, p. 725 n. 28; Harmer, Writs, p. 565, if genuine should be dated 1023 x 1024; Robertson, Charters, pp. 412-13, if genuine should probably be dated 1023; Finberg, ECW, no. 527, authentic, dates 1027 x 1032; HRH, p. 235, subscriptions few but probably consistent, dates 1024 x 1032; Keynes 1980, p. 126 n. 136, possible regional production, cf. S 975; O'Donovan, Sherborne, pp. 57-8, discusses links with S 975; Lawson 1993, p. 240, on formulation; Keynes 1994a, pp. 50-1, 52 n. 50, probably issued in early 1030s, technical dating limits are c. 1023 x 1032; possible regional production

Show all data

  • Metadata

    Old Text

    • Omnia quae hic humanis considerantur obtutibus, tam praeterita tam etiam praesentia necnon futura, festinando iugiter de die in diem sine ulla dilatione declinant ad ruinam rapidissimoque cursu annorum, cum mensibus horis properant ad finem. Quapropter, dispensante domino omnia regna terrae, ego Cnut rex Anglorum sollicita mente cogitando perscrutaui profuturum ac necessarium esse cum his transitoriis et minime mansuris diuitiis perpetua atque iugiter perseuerantia coelorum praemia acquirere. Idcirco tali memoria instructus atque meorum ubique antecessorum roboratus exemplis, aliquam terrae partem id est duas mansas sine unam perticam in loco qui uulgariter dicitur Seofenempton famossisimae familiae, domino abbati Æ∂elwino et uniuersis fratribus suis, in illo sancto et celeberrimo loco qui Æ∂elinganye nuncupatur libenti animo deo omnipotenti et sancto Petro principi apostolorum hilari uultu menteque praeclara concedo, pro redemptione animae meae et criminum meorum absolutione, cum omnibus bonis ad mensam coenobialis uitae fratribus Deo seruientibus largitus sum, quatinus ille uenerabilis abbas eiusdem monasterii cum monachis suis apud altissimum Deum semper fundant preces et quotidie flagitant Deum in psalmodiis et missarum celebrationibus pro facinoribus meis, ut post obitum meum per misericordiam Dei et per eorum sancta suffragia possim ad regna coelorum peruenire. Hoc etiam in ista donationis meae chartula addere iussi, ut si in posterum quaelibet forte persona superioris inferiorisue dignitatis antiquum librum praefati ruris aut chirographum uel alia quaeque testamentorum scripta ad praefatum locum pertinentia in medium protulerit, pro nihilo computentur. Si quis autem contra hanc nostrae beneuolentiae dapsilitatem cupido conamine aliquid machinari uoluerit aut minuere temptauerit, non dubitet se inter diabolica tormentorum tartara rotari, nisi prius hic cessauerit uel emendauerit. Ob affinationem circumiacentium agrorum praefata terrae particula hoc cingitur territorio. His hierarchis consentientibus quorum nomina inferius notantur. + Ego Cnut singularis priuilegii hierarchia praeditus rex acumen indiculi cum signo sanctae crucis corroboraui. + Ego Æ∂elwold Dorouornensis archiepiscopus consensi. + Ego Ælfsige Wentanae aecclesiae episcopus confirmaui. + Ego Bry∂wold Coruinensis aecclesiae episcopus consolidaui. + Ego Bry∂wig Fontanae aeclesiae episcopus consolidaui. + Ego Godwyn dux non renui. + Ego Leofric dux adquieui. + Ego Bri∂wi abbas muniui. + Ego Æ∂elward abbas subarraui. + Ego Osgod minister corroboraui. + Ego Stigandus presbyter. + Ego Schitwol minister. + Ego Æ∂elwold minister. + Ego Wlfno∂ minister.