Show all data

• Metadata

  Old Text

  • Fortuna fallentis seculi procax ; non lacteo inmiscibilium liliorum candore amabilis . sed fellita hejulande corruptionis amaritudine odibilis . fetentis filios valle in lacrimarum carnis ; rictibus debachando venenosis . mordaciter dilacerat . que quamvis arridendo sit infelicibus adtractabilis ; Acherontici tamen . ad ima [Cociti . ni satus] alti subveniat boantis ; impudenter est decurribilis . et ideo quia ipsa ruinosa ; deficiendo tanaliter dilabitur ; sumopere festinandum est ; ad amena Indicibilis leticie arva ; Ubi angelica ymnidice jubilationis organa ; mellifluaque vernantium rosarum odoramina ; A bonis beatisque naribus inestimabiliter dulcia capiuntur ; Sineque calce . auribus clivipparum suavia audiuntur ; Cujus amore felicitatis illectus ; fastidiunt jam infima ; ulcescunt . superna . Ex quibus pro percipiendis semperque specie concupiscibili fruendis . Ego Athelstanus rex Anglorum per omnipatrantis dexteram ; tocius Britanie regni solio sublimatus . quandam telluris mei particulam . meo fideli ministro Wulfsigio femineque ejus ; id est viginti cassatarum ; In loco quem solicole ; Æt Chieldmearc . vocitant ; libenter tribuo ; Ut illi eam sine jugo exose servitutis . cum pratis . pascuis . silvis . rivulis ; omnibusque ad eam utilitatibus suis pertinentibus ; quamdiu aura naribus aspirabili ; Ocellorumque convolatu cernibili . potiantur ; liberaliter . habeant . Et post generalem qui omnibus [certus] incertusque homunculis ; constat . transitum ; Cuicumque successionis heredi voluerint . In perpetuam hereditatem ; contradendo derelinquant . Predicta siquidem tellus ; hiis limitibus circumcincta clarescit ; blank in MS Cf. auribus felitium hauriuntur, S 1166