A.D. 974 (28 Dec.). King Edgar to Ramsey Abbey; confirmation and grant of privileges and of land at Ramsey, Upwood with Raveley, Hemingford, Sawtry, Stukeley, Brington and Old Weston, Hunts.; Hilgay and Walsoken, Norfolk; fish from Wells, Norfolk; land at Brancaster, Norfolk; at Warboys, Wistow with Raveley and Bury, and at Slepam (St Ives), Hunts.; at Chatteris and Elsworth, Cambs.; at Whiston and Isham, Northants.; at Houghton, Wyton, Ripton, Ellington, Bythorn, Hunts.; at Graveley, Cambs.; and at Dillington, Great Staughton and Yelling, Hunts. Latin

Archive:

Ramsey

MSS:

1. London, British Library, Add. Ch. 33658 (s. xiv)
2. London, British Library, Add. Ch. 33659 (s. xiv)
3. London, British Library, Add. Ch. 33686 (s. xiv)
4. London, British Library, Cotton Otho B. XIV, ff. 259-79, ff. 259r-260r (s. xiv)
5. London, British Library, Cotton Vespasian E. II, ff. 6r-8r (s. xiii med.)
6. London, Public Record Office, E 164/28, ff. 165r-166v (s. xiv)
7. London, Public Record Office, E 132, Bundle 1, no. 1 (s. xiii/xiv)
8. London, Public Record Office, C 53, 8 Edw. III, no. 28
9. London, Public Record Office, C 53, 2 Hen. V, pt 2, no. 4
10. London, Public Record Office, C 56, 18, no. 2
11. London, Public Record Office, C 56, 30, no. 4
12. London, Public Record Office, C 66, 3 Ric. II, pt 2, m. 23
13. London, Public Record Office, C 66, 4 Edw. IV, pt. 4, m. 6
14. London, Society of Antiquaries, 128, ff. 198v-199r (s. xvii; incomplete)
15. Oxford, Bodleian Library, Rawlinson B 333, ff. 25r-26r (s. xiv 1)

Printed:

Mon. Angl., i. 234-6; Alford 1663, iii. 378-80; K, 581, ex MS 5; Mon. Angl. (rev. edn), ii. 557-8 (no. 8), ex MSS 6, 8, 9; Thorpe, pp. 251-6; Hart and Lyons, Ramsey Cart., ii. 51-9, ex MSS 6, 7, 8; B, 1310, ex MS 5; B, 1311, ex MS 1; Macray, Chron. Ramsey, pp. 181-9, ex MSS 6, 15

Comments:

Plummer 1892; 1899, ii, p. 176, spurious; Napier and Stevenson, p. 82, suspicious; PN Beds. and Hunts., p. 228; Harmer 1950, p. 346 n. 1, spurious; Drögereit 1952, p. 69, spurious; Chaplais 1962, pp. 92-5, forged by Osbert de Clare (= 1981 XV, pp. 92-5); Blake, Liber Eliensis, p. 419, may list all the benefactions of Æthelwine's family, regardless of their date; Hart, ECEE, no. 18, spurious in present form; John 1966, p. 108, forged; Hart, ECNE, no. 9, spurious; Barlow 1979, p. 102 n. 1, incorporates details on abbatial election from Regularis Concordia; Gransden 1989, p. 196, likens style of charter with section of Ramsey Chronicle; Hart 1992, p. 132 n. 51; Barrow 1992, pp. 67-8; Wormald 1995, p. 128, bogus; Wormald 1996, p. 123, spurious; Foot 2000, II. 57, 143

Show all data

  • Metadata

    Old Text

    • Privilegium Edgari Regis . Rege regum 7 domino dominantium in eternum 7 ultra omnipotenter ubique regnante . 7 ineffabili sua clementia universa celestium . 7 terrestrium ac infernorum agmina gubernante ; Ego Edgarus per magnam ipsius Dei misericordiam . tocius Anglorum regni solis sublimatus ; omnibus post me futuris regibus . archiepiscopis . episcopis . abbatibus . comitibus . vicecomitibus . centenariis . ceterisque sancte ecclesie filiis innotesco ; quod quidam vir dilectissimus michi . necnon 7 propinquitatis consanguinitate connexus ; Aylwynus Aldreman nomine . instigante divina clementia cum benivolo meo assensu ac licencia ; in insula que nuncupativo usu a incolentibus . Rameseya promulgatur in honore beate Dei genitricis ac perpetue virginis Marie . sanctique Benedicti omniumque sanctarum virginum arcisterium construxit . Providens itaque incertum futurorum temporum statum . omnibus posteris meis scire profuturum decrevi . quale igitur omnipotentis gratia operante ibidem miraculum emicuit . sicut non incerta relacione quorundam episcoporum meorum immo 7 ipsius Aylwyni didici . Igitur diuturno ac laborioso cruciatu podagre pedum suorum predictus illustris vir Aylwynus multis laboravit annis . usque quo nox affiuit salutifera in qua piscator quidam ipsius qui Wlfget vocabatur cum carinula 7 asseclis suis 7 lino . aquam que Anglico nomine Rammesmere dicitur ingressus est ; piscem videlicet gratia ad usum domini sui predicti usu consueto adquirendi . Sicut itaque noverat velle domini sui rete suo sedulo huc 7 illuc proiciendo aliquid capere nitebatur . set ex predestinacione Dei omnipotentis frustra laborans . 7 tandem piscario labore nimium fatigatus . in carinula sua soporatus obdormuit . Cui sanctus in sompnis apparuit sic fando Benedictus . Aurora spargente polum tuum eiciens tragum multitudini copiose voti compos obviabis piscium . Captorum itaque piscium majorem quem vos haked nuncupatis ; Aylwyno domino tuo ex mea parte offerens dices ei . ut meam donacionem benigne assumens pie matri misericordie 7 michi omnibusque sacris virginibus in hac insula monasterium monachorum habitacionem cum officinis necessariis congruum sine dilacione studeat fabricare . Ut ei igitur hec omnia per ordinem innotescas exhortor . sermonem addens sermoni . quatinus scrutetur diligencius in loco predicto . quomodo noctu fessa terre sua incumbant animalia . At ubi taurum surgentem pede dextro viderit percutere terram . ibidem proculdubio xenodochii sciat se aram erigere debere . Et ut mente perspicaciori 7 fide constanciori meis hiis credat mandatis ; hunc tuum tibi exteriorem incurvo digitum . quem 7 ipse mox annexu podagre solutus 7 signi certioris indicio roboratus . tibi erigat reparandum . Predictus igitur piscatorum didasculus hiis auditis evigilans lucisque diei spiculum in oriente conspiciens in aquam sicut sibi jussum fuerat tragum suum laxare cepit . 7 sicut sanctus pater predixerat ; copiosam multitudinem piscium conclusit . Quorum majorem eligens ; ex parte sancti Benedicti eum domino suo optulit . Eique omnia que in sompnis didicerat revelavit . digitumque suum a sancto incurvatum ut erigat ; obnixe rogavit . Que omnia mente sagaci concipiens Aylwynus digitum viri herentem erexit . piscemque suscipiens . matri domini Jhesu Christi 7 sancto Benedicto grates innumeras benedicendo exsolvit . Surgensque vir insignis festinus jubet mannum preparari . 7 in insulam ipsam vadens quomodo jacent sua animalia ut preceptum erat explorat . Mira res 7 miranda . ubi vir predictus insulam est aggressus ; ab intractabili statim 7 gemino morbo nutu Dei funditus liberatus est . animaliaque sua in modum crucis taurum vero medio eorum jacere perspexit . Et sicut quondam sancto Clementi agnus pede dextro locum fontis ; sic viro isti terram pede percuciendo locum mense futuri arcisterii significavit divinitus . Unde vir prefatus Deum laudans ; confestim truncatis lignis actitari capellam ibi pulchro opere . percepit . ac deinde scemate condecenti sicut mandatum sibi fuerat regularem future congregacioni monachorum construxit cenobium . Deinde revoluto quinquennio diebusque duo de viginti ; precibus venerabilium amicorum meorum Dunstani Dorobernensi 7 Oswoldi Eboracensis archiepiscoporum . eandem ecclesiam in honore Beate Virginis Marie sanctorumque predictorum sexto Idus Novembris . Anno ab incarnatione domini . nongentesimo septuagesimo quarto . indictione secunda sollempniter ut decebat dedicari concessi . Eodem vero anno cum in natali dominico omnes majores tocius regni mei tam ecclesiastice persone quam seculares ad curiam meam celebrande mecum festivitatis gratia convenissent ; a predictis amicissimis meis archiepiscopis itidem rogatus . omnes donaciones terrarum vel possessionum quas vel idem Aylwynus . vel quecumque alie persone in dotalitium ejusdem ecclesie 7 jus hereditatis perseverabile ad victuale subsidium monachorum Christo jugiter ibi famulancium indulserant dando 7 concedo hoc regie majestatis mee privilegio . coram tota curia mea corroboravi . Et tam ipsis donacionis quam nomina donatorum litteris meis ad future posteritatis noticiam exprimere curavi . Hoc est primitus dona aldremanni . scilicet insulam in qua sedet xenodochium predictum . cum omnibus sibi pertinentibus . pratis . pascuis . campis . paludibus . silvarumque densitatibus . Deinde rus illud quod Upwode nominatur cum Raueleya Berewyco suo . Hemmingeford . Saltreiam . Stivecleiam . Briuinton' . Weston' . Helingeh' . Walsocnam cum omnibus ad easdem villas pertinentibus . In Welles quoque viginti homines piscatores . sexaginta miliaria anguillarum singulis annis debentes ad usum fratrum predictorum . Wlfuia uxor ejusdem aldremanni . Brancestr' cum omnibus ad eam pertinentibus . Dunstanus archiepiscopus Dorobornensis Wardebusc cum omnibus sibi pertinentibus . Oswaldus archiepiscopus Eboracensis . Kingeston . id est Wistowe cum Rauel' 7 Biri Berewycis suis omnibus sibi pertinentibus . Athelstan Mannes sune . Slepam 7 Chateriz . 7 de Elesworth partem orientalem cum omnibus sibi pertinentibus . Brithnoc aldremanus . Wychenton' . 7 Ysham cum omnibus sibi pertinentibus . Aylfwoldus frater Ailwyni prescripti . Houaton' . Witton' . Riptonam . Elinton' . 7 Bithernam cum omnibus sibi pertinentibus . Liuith vidua Grauel' . Dilinton' . Stocton' . 7 Gilling' . cum omnibus sibi pertinentibus . Hec itaque rura ut supradixi pro adipiscenda dulcedinis divine misericordia 7 pro stabilitate regni mei libenti animo in dote perseverabili annui . Cum ecclesiis . cum terris cultis 7 incultis . exitibus . redditibus . viis . inviis . segetibus . silvis . brueriis . secundum antiquos diu servatos confinium terminos in pratis pascuis aquis aquarum decursibus . paludibus . piscariis mariscis molendinis 7 theloneis ad se pertinentibus . 7 cum omni utilitate que inde poterit omni tempore evenire . 7 cum omnibus per circuitum terminis 7 metis suis ab regia accione 7 angaria vel a qualibet humane servitutis subaccione liberrima . lege . libertate . consuetudine tam bene 7 tam plene sicut ea sub mei juris dominio suffragatore Deo melius 7 liberius prenominati nobilissimi possiderunt viri . favore 7 consensu primatum 7 optimatum meorum prenominate ecclesie firmiter perpetuo habenda concessi 7 confirmavi . Ut igitur hoc donacionis mee decretum fixiori firmitate et stabilitate perduret presentis pagine privilegio decerno 7 statuo ut sint libera 7 expedita tam predicta territoria ibidem tam data quam ea que a fidelibus deinceps sunt danda ab omni angaria construccionis pontis arcisve restauracionis 7 ab omnibus secularibus serviciis 7 operibus ita quod nullus umquam regum vel episcoporum seu principum procuratorum sive exactorum ab illis pastum nec opera vel tributa exigat . set omnia sint libera omnino 7 quieta . quecumque superius prenotantur . Preterea ex consultu 7 admonicione venerabilium amicorum meorum Dunstani Dorobornensis . 7 Oswaldi Eboracensis archiepiscoporum decreta utilia statui ut quicumque reus majestatis regie vel cujuslibet alterius offense ad locum illum confugerit . ejus rei 7 membrorum ac vite inpunitatem consequatur . semperque sit habitacio monachorum ac secundum beate Benedicti tradicionem . post obitum abbatis ex eadem congregatione alter qui dignus sit eligatur aliunde vero nullus ibi preficiatur nisi nullus quod absit ibi contigerit qui dignus tali officio sit inveniri . Quod si contigerit ; potestatem habeant de alio noto monasterio abbatem eligendi cujus vita savientia 7 religione clarescat . Laicorum autem an clericorum ; nemo loci illius dominium usurpare presumat . Possessiones vero que ibi a quibuscumque donate sunt . non abbas non alia quelibet persona licenciam habeat vendendi extraneis vel dandi . set regum munimine locus ille semper tueatur . Ipseque abbas Regi Deo soli serviens spirituali 7 temporali commissum sibi gregem pastu diligenter foveat . Liceatque quod ipsi congregacioni quod sibi per rectam delegacionem collatum est perpetuo possidere 7 pro me 7 pro stabilitate regni mei Deum jugiter exorare . Post huius itaque privilegii mei donacionem ; excommunicaverunt omnes episcopi . abbates presbiteri qui in plurima numerositate eodem die affuerunt eos qui hoc constitutum infringerent . vel infringi permitterent quantum in ipsis essent . Et ut hec auctoritas meis 7 futurorum post me regum temporibus circa ipsum sanctum locum firma perhenniter permaneat 7 inviolata . 7 ut ab omnibus optimatibus meis 7 judicibus privatis et puplicis melius 7 cercius credatur . manus mee subscriptionem . hanc cartulam quinto . k'l . Januar'. decrevi roborare 7 sigilli mei impressione communire . Signum Edgari 7 serenissimi Anglorum imperatoris . Signum Edwardi ejusdem Regis filii . Signum Athelredi fratris ejus . Ego Dunstanus . Dorobernensis archiepiscopus confirmavi . Ego Oswaldus Eboracensis archipresul . corroboravi . Ego Ælfstanus Londoniensis episcopus consolidavi . Ego Æthelwoldus Wintoniensis episcopus comodum duxi . Ego Ælfnothus Dorocensis episcopus conclusi . Ego Ælfstanus Refensis episcopus consigillavi . Ego Ælfgarus Wintoniensis episcopus amen dixi . Ego Elsinus Abbas cum coabbatibus meis 7 presbiteris infractores huius firmitatis excommunicavi . Ego Elwynus Alderman hoc meum desiderium ad perfectum Deo suffragatore usque perduxi . Px Rege Regum 7 domino dominancium in eternum 7 ultra omnipotententer ubique regnante ; summaque et ineffabili sua clemencia universa celestium et terrestrium ac infernorum agmina moderante ; cujus est largiflua bonitas semper ab omnibus laudanda omnique laude preferenda . qui nullo bonitatis termino valet concludi in seculorum secula . utpote quia idem Deus ipse sit sue proprie bonitatis bonitas distribuens gratis non tantum dignis verum eciam indignis participium sue bonitatis . Est quippe Rex Regum et dominus dominancium omniumque subsistencium visibilium et invisibilium creator . et sue creacionis discretissimus dispositor attingens a fine usque ad finem suaviterque disponens omnem creaturam ; uti competit ejus divine dominacioni . Gloriatur quippe in sanctis suis glorificari . quatinus illorum meritis glorificantes opituletur . Quosdam itidem libero arbitrio quibusdam preficit dignitate et opibus diversis quibus rursum mandat ut ipsi sua sufficiencia et bonorum habundancia illorum debeant relevare et sustentare inopiam ; qui minus secularibus habundant negociis . ut pro hoc majori mercede possint ab eo donari . Cunctis nempe luce clarius patescit mortalibus quia crebrescentibus huius mundi perturbacionibus jamjam nunc finis seculi magnaque et tremenda dies judicii appropinquare cernitur . sicut tuba intonat evangelica . ita fideles quoque premonendo . 'Videte ficulneam 7 omnes arbores cum producunt jam ex se fructum scitis quoniam prope est estas . Ita 7 vos cum videritis hec fieri . scitote quia prope est regnum Dei' 1 . His ergo et aliis preplurimis huiuscemodi oraculis corde attactus ego Eadgarus per magnam omnipotentis Dei misericordiam tocius Anglorum regni solio sublimatus infima queque 7 transitoria quasi peripsima quisquiliarum abiciens ; 7 superna ad instar preciosorum monilium eligens omnibus post me futuris regibus . archiepiscopis . episcopis . abbatibus . comitibus . vicecomitibus . centenariis . ceterisque sancte ecclesie filiis innotesco . quod quidam vir dilectissimus michi necnon 7 propinquitatis consanguinitate conexus instigante divine clemencie gratia benivolo meo gratantique consensu . ac licencia in insulam que nuncupativo usu ab incolentibus Rameseie promulgatur in honore beate Dei genitricis ac perpetue virginis Marie . sanctique Benedicti omniumque sanctarum virginum ; ad nanciscendam Olimpice felicitatem amenitatis arcisterium construxit . Ailwinus Ealdorman nomine . Previdens itaque incertum futurorum temporum statum omnibus posteris succedentibus scire profuturum decrevi . quale omni Angligene nacioni Christi alumpnis gratia operante miraculum emicuit . sicut non incerta relacione quorumdam episcoporum meorum immo 7 ipsius Ailwini didici . Igitur diuturno ac laborioso cruciatu detestande podagre pedum suorum predictus illustris vir Ailwinus multis laboraverat annis . usque quo ei nox affuit salutifera in qua piscator quidam ipsius Ailwini qui Wulfgeat proprio appellatur onomate cum carinula 7 asseclis suis linaque aquam relacione Anglica Ramesmere nuncupatur ingressus est ; piscem videlicet ad usum domini sui Ailwini predicti usu consuetudinario gratia conquirendi . Prefatus vero piscator utpote noverat velle domini sui sedulo anquirens lina sua huc 7 illuc dextrorsum ac sinistrorum proiciendo spe seductus incerta aliquid capere nitebatur piscando . Sed ille vel sterilitate aque . vel predestinacione summi tonantis frustra laborans . immo quia summi tonantis ; immo quoniam fessus extitit algena piscarioque labore biliosus satis soporatus est . Cui sanctus resplenduit sic fando Benedictus ; 'Aurora spargente polum tuum eiciendo tragum multitudini copiose voti compos obviabis piscium . Captorum itaque majorem piscium quem soliculi istius soli hacaed proprio nuncupant vocabulo ; Ailwino domino tuo nostra ex parte ; mane ne pigriteris offerre dicens ei mente benivola meam donacionem . ut suscipiat ; atque pie matri misericordie semper virgini Marie et michi . omnibusque sanctis virginibus in hac insula habitaculum ex suarum sufficiencia copiarum bonorumque habundancia diligenter construat . Vt ei igitur hec omnia per ordinem innotescas exhortor . sermonem eciam addens sermoni . quatinus diligencius explorando scrutetur in tellure predicta quomodo in caricis noctu fessa terre sua incumbant animalia . At ubi sulcando taurum pede terram concernet fodere ; ibidem proculdubio xenodochii sciat se aram erigere debere . Unde igitur a nexu noxie pedum podagre solutus scelerum suorum in vita hac practica veniam optineat . necnon in theorica fauste obtemperacionis recompensacione perfruatur cum gloria . Et ut igitur mente perspicaciori et fide constanciori meis hiis credat aforismis ; hunc tuum tibi exteriorem incurvo digitum . quem 7 ipse signi cercioris indagacione tibi erigat reparandum .' Predictus namque piscator didascalus . hiis auditis evigilans orientem versus sedulus aspiciens lucisque diei spiculum ab ultimis dum vidit egredi finibus terrarum in aquam tragum suum citatim laxabat ; 7 sicut sanctus predixerat pisces quasi disceptando copie per cuneos occurrebant viris . Qui vero piscibus refertum ad terram trahentes tragum majoremque captorum eligentes . piscium ad doma sui domini scilicet Ailwini festine ascendit codrus eorum quem supra vobis nomine designavi virum ; ex parteque sancti Benedicti in cistella piscem detulit eique omnes sibi dictos in somnis sancti pariter protulit aforismos ; digitumque suum a sancto limatum ei ut erigat obnixe precatur . Quod mente studiosius concipiens Ailwinus digitum viri herentemque ; extendit erigendo piscemque comiter suscipiens ; adprime matri domini nostri Jhesu Christi et sancto Benedicto tal[ibus] mandatis decoratus prerogativis grates dedit benedicendo . Itaque surgens vir insignis festinus jubet sibi mannum parari . quatinus eat in insulam quomodoque jaceant sua animalia bonus utpote catascopus seu preceptum est exploret . Mira res . ubi vir predictus insulam est in[gressus] . ac terre pedibus marginem calcando tetigit : ab intractabili statim 7 gemino morbo nutu Dei funditus liberatus est animaliaque sua in modum crucis . taurum vero in medio eorum jacere perspexit . Et sicut quondam sancto Clementi agnus pede dextro locu[m fontis sic isti viro terram pede] sonoris ictibus percuciendo taurus locum mense futuri arcisterii significavit divinitus . Quapropter prefatus Ailwinus sedulo Deum laudans confestim truncatis lignis . compaginatoribus lignorum ecclesiam citatim pulchro accitari opere precepit . ac deinde ut superius dictum est composici[onis scem]ate pulcro lapideum future congregacionis monachorum construxit cenobium . Denique revoluto quinquennio diebusque duodeviginti ; precibus venerabilium amicorum meorum Dunstani Dorobernensis ; et Oswoldi Eboracensis Archiepiscoporum eandem ecclesiam in honore beate virginis Marie sanctorumque predictorum . VI . Idus Novembris anno ab incarnacione domini . DCCCCLXXIIII to . indictione . II a . solempniter ut decebat dedicari concessi . Eodem vero anno in natali dominico cum omnes majores tocius regni mei tam ecclesiastice persone quam seculares ad me celebrande mecum festivitatis gratia convenissent ; a predictis amicissimis meis archiepiscopis itidem rogatus . omnes donationes terrarum vel possessionum quas vel idem Ailwinus . vel quecunque alie persone in dotalicium eidem ecclesie 7 jus hereditatis perseverabile ad victuale subsidium monachorum perpetualiter Christo jugi servicio famulancium indulserant . dando 7 concedendo hoc regie majestatis mee privilegio coram tota curia mea . corroboravi . Et tam ipsas donaciones . quam nomina donatorum literis meis ad future posteritatis noticiam exprimere curavi . Hoc est primitus dona ipsius Ealdormanni scilicet insulam in qua sedet xenodochium predictum cum omnibus sibi pertinentibus pratis . pascuis . campis . paludibus . silvarumque densitatibus . Deinde rus illud quod Upwude nominatur cum Ræflea berewico suo . Hæmmingeforde . Saltreche . Styneclea . Brynintune . Westune . Hillingeiæ . Walsocne . cum omnibus ad easdem villas pertinentibus . 7 in Welles . XX ti . homines piscatores . LX ta . miliaria anguillarum singulis annis debentes ad usum fratrum predictorum . Wulfeva uxor ejus ; Brancestre cum omnibus sibi pertinentibus . Dunstanus archiepiscopus Dorobernensis Weardebusc cum omnibus sibi pertinentibus . Oswoldus archiepiscopus Eboracensis Kyngestune id est Wicstone cum Ræflea 7 Byrig berewicis suis omnibusque sibi pertinentibus . Eˇelstan Mannessune ; Slepe 7 Cæateric . 7 unam mansionem de Eleswurthe scilicet orientalem cum omnibus sibi pertinentibus . Elfwolde frater Ailwini prescripti . Hohtune . Wittune . Ripptune . Esintune . 7 Biˇerne . cum omnibus sibi pertinentibus . Brihtnod Ealdorman . Hwiccingtune 7 Isham cum omnibus sibi pertinentibus . Liuid vidua . Greflea . Dilingtune . Stoctune . 7 Gillinge cum omnibus sibi pertinentibus . Hæc itaque rura ut supradixi ad adipiscendam melliflue dulcedinis Dei misericordiam . 7 pro stabilitate 7 pace regni mei libenti animo in dote perseverabili annui cum ecclesiis . cum terris cultis . 7 incultis . exitibus atque redditibus . viis 7 inviis . segetibus . silvis . brueriique densitatibus secundum antiquos diu servatos confinium terminos in pratis . pascuis . aquis . aquarumve . decursibus . paludibus . piscacionibus . piscariis . mariscis . molendinorumve rotacionibus . 7 teloniis ad se pertinentibus . 7 cum omni utilitate que inde poterit omni tempore provenire . 7 cum omnibus per circuitum terminis 7 metis suis ab omni regia accione et angaria . vel a qualibet humane servitutis subaccione liberrima lege . libertate . consuetudine . tam bene . 7 tam plene sicut ea sub mei juris dominio suffragatore Deo melius ac liberius prekaraxati nobilissimi possederunt antropi favore consultu atque consensu primatum 7 optimatum meorum prenominate ecclesie firmiter perpetim habenda concessi 7 confirmavi . Insuper ut hoc donacionis mee decretum fixiori firmitate ac stabilitate perduret presentis pagine privilegio decerno et statuo ut sint libera 7 expedita tam prædicta territoria ibidem jam data quam ea que a fidelibus deinceps sunt danda ab omni angaria construccionis pontis arcisve restauracionis . 7 ab omnibus secularibus serviciis 7 operibus . ita ut nullus unquam regum vel episcoporum . seu principum procuratorum . sive exactorum aut subjectorum ab illis pastum exigat . nec aliquid requirat . nec opera vel tributa . aut expediciones ad se trahat ab eis . set omnia sint eis concessa quecunque superius antedicta prenotantur . Preterea ex consultu et admonicione venerabilium amicorum meorum Dunstani Dorobernensis . 7 Oswoldi Eboracensis archiepiscoporum augmentando decreta utilia statui . ut quicumque reus majestatis regie . vel cujuslibet alterius offense ad locum illum confugerit ; ejus rei et membrorum ac vite inpunitatem consequatur ; semperque sit habitacio monachorum . ac secundum beati Benedicti tradicionem ; post obitum abbatis ex eadem congregacione eligatur alter qui dignus sit ; Aliorsum vero nullus nisi quod absit inibi inveniri nequiverit qui dignus sit tali officio fungi . Quod si evenerit ; potestatem habeant de alio noto familiari loco abbatem eligendi . cujus vita sapiencia clarescat 7 religione . Laicorum vel clericorum nemo ipsius loci dominium usurpari presumat . Possessiones vero que ibi a quibuscunque donate sunt ; non abbas non alia quelibet persona licenciam habeat vendendi vel extraneis dandi . set regum munimine deinceps locus ipse tueatur . ipseque abbas regi soli serviens spirituali 7 temporali commissum sibi gregem pastu diligenter foveat . Liceatque ipsi congregacioni quod sibi per rectam delegacionem collatum est perpetim ; possidere . et pro stabilitate regni mei jugiter exorare . Post huius itaque privilegii donacionem excommunicaverunt omnes episcopi . abbates . ac presbiteri qui in plurima memerositate eodem die affuerunt ; eos qui hoc constitutum infringerent . vel infringi permitterent quantum in ipsis essent . Et ut hec auctoritas meis 7 futuris temporibus circa ipsum sanctum locum perenniter firma 7 inviolata permaneat . vel per omnia tempora illesa custodiatur atque conservetur . 7 ab omnibus optimatibus meis 7 judicibus privatis 7 publicis melius ac cercius credatur . manus mee subscripcionibus hanc cartulam . V o . kalendas Januarii decrevi roborare . et de sigillo meo jussi sigillare . Signum Ædgari incliti 7 serenissimi Anglorum imperatoris . + . Signum Æadwardi ejusdem regis filii . + . Signum Æˇælredi fratris ejus . + . Ego Dunstanus Dorobernensis sedis archiepiscopus confirmavi . + . Ego Oswoldus Eboracensis ecclesie archipresul corroboravi . + . Ego Ælfstanus Lundonie episcopus consolidavi . + . Ego Aˇelwoldus presul Wintoniensis commodum duxi . + . Ego Ælfnothus Dorccensis ecclesie episcopus conclusi . + . Ego Ælfstanus Rofensis episcopius consigillavi . + . Ego Ælfgarus Wiltuniensis episcopus amen dixi . + . Ego Æscwius abbas . + . Ego Osgar abbas . + . Ego Ælfricus abbas . + . Ego Æˇelgar abbas . + . Ego Ælfeah abbas . + . Ego Flodbriht abbas . + . Ego Germanus abbas . + . Ego Ailwinus ældorman hoc meum desiderium ad perfectum Deo suffragatore usque perduxi . + . Ego Ælfwold dux . + . Ego Eˇelstan dux . + . Ego Ælfere dux . + . Ego Oslac dux . + . Ego Brihtnoˇ dux . + . Ego Æˇelweard dux . + . Ego Wulstan presbiter . + . Ego Leoffa presbiter . + . Ego ˝ured presbiter . + . Ego Sideman presbiter . + . Ego Wulfhere presbiter . + . Ego Æˇelfsi presbiter cum supradictis 7 aliis quamplurimis presbiteris infractores huius firmitatis excommunicavi .