Show all data

• Metadata

  Old Text

  • In nomine almi tonanti inperpetuum regnantis qui monarchiam trinamque cosmi totius machinam . ac celsitudinem polorum . imamque profunditatem fluctuantis oceani in altis et in imis omnia cum sue maiestatis inperio nunc et in aeuum gubernat et regit. Status igitur huius mundi in uelocitate deficiet . et rotunda seculorum uolubilitas facessit. sic alternando creaturarum terrenarum qualitas decrescit . sic mutando mortalitas uite fragilitas fatescit . de qua miserrima humani status uicissitudine aecclesiastes uerus in quam contionator celesti afflatus spiritu congruentem protulit sententiam . generatio inquid aduenit et generatio preterit . alii oriuntur alii moriuntur . ita uniuersa diuitiarum facultas et temporalis gaze possessio quam predecessorum ancxia sollicitudo per indefessa laborum emolumenta lucratur pro dolor incertis utpote heredibus . nunc optatis nunc exossis relinquitur quem ad modum psalmista inprouidam humani generis sochordiam conqueritur dicens. Theshaurizat et ignorat cui congregat Ideoque quia ipsa ruinosa deficiendo lugubriter dilabuntur. sumopere festinandum est ad amoena indicibilis letitie arua ubi angelici ymnidice iubilationis organa mellifluaque uernantium rosarum odoramina a bonis beatisque naribus inestimabiliter dulcia capiuntur . sineque calce auribus auscultantium suauia audiuntur. Quapropter fastidiunt iam infima dulcescunt superna eisque pro percipiendis semperque specie concupiscibili perfruendis per omnipotentis dei gratiam ego AE˘ELREDUS totius angligene gentis basileos ceterarumque nationum in circuitu degentium primatum regens . cum consensu atque consilio meorum optimatum . ad monasterium quod noto Miclan ig nuncupatur onomate hoc inmutabile priuilegium regia liberalitate aeternaliter sine ulla mutabilitate concedo . quatinus quicquid nostri predecessores inuiolata traditione deo sanctoque Petro apostolorum principi ad prefatum monasterium monachis inibi sub regularis uite normula degentibus donauerunt . sine ullo obstaculo cunctis in prediolis uillulisue rata grataque donatio nostra auctoritate inmunis habeatur . Inprimis in illa uillula que apellatiuo usu et Ilemynster nuncupatur que aliquo tempore a prefato monasterio inepte trium heredum temporibus ablata fuerat . et nunc deo donante ad proprium dominium iuste reddita . sub quibus etiam tantum nefas proripuit ut falso hereditariam sibi scedulam contra ius usurpauerint que etiam postea reperta est . et ab episcopis ducibus optimatibusque adnullata . Deinde etiam in illo prediolo ubi solicule ludibundis uerborum uocabulis . æt Cantmæl nomen indiderunt quod Leofric huiusce monasterii abbas mea elemosinaria largitione a pristino prout libuerat posessore emebat . et postea illud deo sanctoque Petro pro eterne uite successione donando offerebat . adiunctis bis binis uidelicet cassatis huic prefate terre contiguis quas Æˇelmær scilicet meus satrapa ad prefatum monasterium deo et sancto Petro apostolorum principi optulit atque consecrauit . In his etenim omnibus et in cunctis ut diximus prefati monasterii possessiunculis nostra regalis auctoritas in tantum habeatur ut nullus hanc libertatis cartulam cupiditatis liuore depressus uiolare infringere mutare satagat . Si qui denique mihi non optanti hanc meam donationem adnullare uoluerint cum agminibus tetre caliginis lapsi uocem audiant examinationis die iudicis sibi dicentis . discedite a me maledicti in ignem aeternum ubi cum demonibus dira torqueantur in pena . si non ante mortem digna hoc emendauerint penitentia . Sit autem huius nostra priuilegii auctoritas inmunis ab omni fiscali tributo et secura maneat sine aliquo terreni census inpedimento cum omnibus ad se rite pertinentibus campis . pascuis . pratis . siluis . tribus exceptis expeditione . pontis restauratione arcisque munitione. Anno dominice incarnationis .dccccxcv. Indictione .viii. scripta est hec scedula . his testibus consentientibus quorum nomina infra adnotata fore uidentur. + Ego Æˇelredus annuente dei omnipotentis clementia rex et primicerius totius Albionis hoc nostre donationis priuilegium signo sancte crucis corroboravi. + Ego Ælfric Dorobernensis aecclesie episcopus confirmavi. + Ego Ælfheah Wintoniensis aecclesie presul consolidavi. + Ego Æscwig Dorcensis aecclesie superspeculator conquieui. + Ego Sigegar Fontane aecclesie pastor subscripsi. + Ego Wulfsige Scirburnensis aecclesie opilio conclusi. + Ego Æˇelweard dux + Ego Ælfric dux + Ego Ælfweard abbas + Ego Leofric abbas + Ego Ælfsige abbas + Ego Byrhtelm abbas + Ego Æˇelmær minister + Ego Ordulf minister + Ego Wulfget minister + Ego Wulfric minister + Ego Æˇelno∂ minister