Show all data

• Metadata

  Old Text

  • + In onomate summi kyrios, omnia iura regnorum gubernantis, et ab alto coeli fastigio cuncta cernentis, ego Eadowardus totius Albionis, dei moderamine et gubernatione, basileus, archiepiscopis, episcopis, abbatibus, centenariis, cunctisque sanctae fidelibus aecclesiae clericis et laicis, insuper et omnibus post me futuris regibus, salutem, perpetuamque pacis foelicitatem! Summum regibus ac principibus bonum est iustitiam dei colere, sanctam aecclesiam eius exaltare et honorare, quia qui eam exaltant et honorant, cum ea, et in ea, et per eam, exaltantur et honorantur. Praeuenit cor meum gratia dei, ut quod ab antecessoribus meis regibus collatum est eius aecclesiae, mea firmetur authoritate. Aecclesiae namque beatae dei genitricis semperque uirginis Mariae, sanctique Benedicti, omniumque sanctarum uirginum quae Ramsey nuncupatur, quae olim in tempore praecellentissimi regis Eadgari a quodam insigni uiro Ælwyno onomate, utpote in eiusdem regis gloriosi munificentiae cartula, quam ibidem donauerat, data ac sigillo regio confirmata, legitur, almipotentis Christi mirabilis cooperante gratia, est constructa, ac terrarum copiosis ditata muneribus. Inprimis eam ita liberam et quietam, tam ab omni exactione episcopali, quam a saeculari esse uolo, ut neque nos, neque successores nostri, neque quilibet episcopus, nec quicunque de iudiciaria potestate in ipsam sanctam basilicam uel in manentes in ipsa, uel in homines qui cum suis terris, uel quibuslibetcumque substantiis, ad ipsam tradere uel deuouere se uoluerint, nisi per uoluntatem abbatis et omnium suorum monachorum ullam unquam habeant potestatem; sed sit haec sancta mater aecclesia specialis dominae nostrae perpetuae uirginis Mariae, ac patroni nostri sancti Benedicti, et omnium sanctarum uirginum, libera et absoluta ab omni inuasione uel inquietudine omnium hominum cuiuscumque ordinis uel potestatis esse uideantur. Praeterea in perpetuum confirmo ut monachi eiusdem aecclesiae per successiones secundum regulam sancti Benedicti eligere sibi idoneos abbates habeant potestatem; et quisquis fugitiuorum de quocunque loco, pro quacunque causa, cuiuscunque conditionis sit, ipsum sanctum locum uel procinctum eius intrauerit fugiens, membrorum suorum ac uitae impunitatem consequatur. Possessiones uero quae ibi a quibuscunque donatae sunt, non abbas non alia quaelibet persona licentiam habeat uendendi uel extraneis dandi; sed regum munimine deinceps locus ipse tueatur, ipseque abbas regi soli seruiens, atque ei soli os ad os respondens, commissum sibi gregem spirituali et temporali pastu abundanter foueat. Concedo et confirmo omnes donationes terrarum uel libertatum, aut aliarum rerum, quae a regibus Eadgaro, uidelicet, et Hardeknut, seu aliis fidelibus ante me donatae sunt; hoc est Upwode cum Raueleya berewico suo, et cum insula in qua praedictum stat arcisterium cum omnibus sibi pertinentibus; Hemingeford cum omnibus ad se pertinentibus; Walsoke cum omnibus ad se pertinentibus; Sautrey cum omnibus ad se pertinentibus; Hellingh cum omnibus ad se pertinentibus; in Welles uiginti piscatores ibidem singulis annis ad usum fratrum .lx. millia anguillarum reddentes; Brancestrei cum omnibus ad se pertinentibus et cum omni maris proiectu, quod nos Anglice shipwrec appellamus; Ripton cum omnibus ad se pertinentibus; Tinell cum omnibus ad se pertinentibus; Kingeston cum Raffleya et Byri, berewicis suis, omnibusque sibi pertinentibus; Wardebult cum omnibus ad se pertinentibus; Scepton cum omnibus pertinentiis suis; Chaterih cum omnibus ad se pertinentibus, et unam mansionem orientalem de Eleswor∂, cum omnibus ad se pertinentibus; Houcton cum omnibus ad se pertinentibus; Witton cum omnibus ad se pertinentibus; Elinton cum omnibus ad se pertinentibus; Bi∂erum cum omnibus ad se pertinentibus; Briumton cum omnibus ad se pertinentibus; Wichinton cum omnibus ad se pertinentibus; Ysham cum omnibus ad se pertinentibus; Weston cum omnibus ad se pertinentibus; Grauell cum omnibus ad se pertinentibus; Bilinchon cum omnibus ad se pertinentibus; Stocton cum omnibus ad se pertinentibus; Gillinger cum omnibus ad se pertinentibus; necnon et illas quas optimates mei meo tempore addiderunt, scilicet Æ∂ericus Dorcensis aecclesiae episcopus, Clinton, et Bernewell, et Hemingeton, et unam mansionem in Eleswor∂ occidentalem, et Gretton, et ˘erefeld, et Sucklingdon, et Westmulne orientalem, et Offerton in Hoylandia, et tres hidas in Broucton, et tres hidas in Bodekesham, et cum omnibus ad se pertinentibus; Æ∂notus successor eius episcopus, Ouer et Barton et Snapwell, cum omnibus ad se pertinentibus; Æ∂no∂us filius Godrici, Accleyam cum omnibus ad se pertinentibus; Eylwynus Swerte, Cranfeld et Kemestan, et Cloppam, cum omnibus ad se pertinentibus; Leoffius diaconus, Wipsinton, Langetehill, et Watlinwor∂, cum omnibus sibi pertinentibus; Leoffius nepos eius, Meringe cum omnibus ad se pertinentibus; Ælfsius de Lampa∂e, Burcwell cum omnibus ad se pertinentibus; Iohol de Lincoln, Querinton cum omnibus ad se pertinentibus; Hardeknut uero frater meus, Hemingeford et Gilling, cum omnibus sibi pertinentibus. Postremo ego ipse propter spem retributionis aeternae et pro remissione delictorum meorum et pro animabus patris et matris meae et omnium parentum meorum, ad laudem omnipotentis dei, ad usus fratrum ibidem deo seruientium, de meo iure quod mihi soli competebat, absque ullius reclamatione uel contradictione ista addidi. Inprimis Kingested cum omnibus ad se pertinentibus, et cum omni mare eiectu, quod shipwrec appellamus, et Wynebodesham cum hundredo et dimidio infra Bichamdich, et cum .lxiv. socmannis ad hundredum pertinentibus, et cum foro de Bunham ad Wynebodesham pertinente. Relaxamus igitur istis et omnibus supranominatis terris, consuetudines omnes et exactiones regalium et episcopalium ministrorum sicut antecessores mei reges primo fecerunt, ut nullis grauentur oneribus expeditionum nec pontium nec castrorum restructione, nec furis apprehensione et emissione, nec sanguinis effusione, et omnia quae ad locum ipsum pertinent sint omnino libera, cellae, aecclesiae, coemiteria, terrae, pascua, siluae, uenationes, aquae, piscationes, cum redditibus, seruitiis, debitis, oblationibus, luminaribus, decimis, donariis, censu morthidis, legibus, consuetudinibus, causarum discussionibus, emendationibus siue aecclesiasticis siue saecularibus, et cum omnibus quaecunque maris procellosis tempestatibus, in aquam uel in terram eorum eiecta fuerint, quod Anglice shipwrech promulgatum est onomate, et omnibus quaecunque scriptis et testimonio bonorum hominum rememorari potuerint, quae a regibus concessa uel concedenda sunt; et nullus ex iis subtrahere uel diminuere aut dispergere qualibet occasione iudicio uel potestate praesumat. Renouamus etiam et confirmamus priuilegia antiquorum regum atque ob reuerentiam dominae nostrae perpetuae uirginis Mariae sanctique Benedicti sanctarumque uirginum, omnibusque futuris ibidem abbatibus in tota possessione monasterii, sacham et socham theloneumque suum in terra et in aqua concedo, et consuetudines, ut ab omnibus apertius et plenius intelligantur, Anglice scriptas, scilicet, mundbriche, feardwite, fitwite, blodewite, miskeninge, fri∂soke, hamsocne, forstall, forphange, ˇiefphang, hangwite, fri∂briche, utlep, infongen∂ef, sypbriche, tol et tem, aliasque omnes leges et consuetudines quae ad me pertinent, tam plene et tam libere sicut eas in manu mea habebam. Et ut omnia concludam, nullus succedentium regum, episcoporum, principum, comitum, uicecomitum, procuratorum, seu aliorum regum clientium, uel alia quaelibet magna uel parua persona, per uim aut per consuetudinem, pastum, censum, uel impensionem, non opera, non tributa, xenia, seu munuscula, uel aliud quidlibet ab eorum possessionibus exigat; sed omnimodam libertatem perpetualiter in terra et in aqua, in urbe et extra, in domo et extra, in uilla et extra, in uia et extra, in placito, in soco et saca, in theloneo, et in omnibus suis appendiciis habeant. Quisquis igitur fidelium hanc nostram munificentiam amplificare propriis donis sategerit, augmentet illi omnipotens deus gaudium perenne ubi perpetuitas uiget. Si quis uero, quod absit, eam destruere uoluerit uel huius nostri decreti contradictor, conuulsor, et temerator exstiterit, perpetuo anathemati subiaceat, nisi deo et eius gloriosae matri digna poenitentia satisfecerit. Scripta est namque haec schedula, me iubente, et sigillata, his testibus quorum onomata infra habentur consentientibus, secundo kalendas Decembris. + Ego Eadwardus rex deo largiente Anglorum signum uenerandae crucis impressi. + Ego Stigandus archiepiscopus concessi et confirmando signo sanctae crucis consignaui. + Ego Æ∂elredus archiepiscopus gratanter corroboraui. + Ego Wlfstanus episcopus uexillo sanctae crucis praenotaui. + Ego Gyso episcopus consentaneus fui. + Ego Walterus episcopus consensum praebui. + Ego Reinbaldus cancellarius consigillando commodum dux. + Ego Switgarius notarius scripsi. + Ego Ælsius abbas. + Ego Eadwinus abbas. + Ego Ægelwinus abbas. + Ego Baldewinna abbas. + Ego Alwinus abbas hoc meum desiderium ad perfectum adduxi et a rege hilariter suscepi. + Ego Leofricus dux. + Ego Haroldus dux. + Ego Leofwinus dux. + Ego Eadwinus dux. + Ego Hugelinus cubicularius. + Ego Eadgarus stallere. + Ego Robertus filius Wittman. + Ego Wigodus de Lincolne.